Energetİka kafedrası

Kafedranın yaranması və fəaliyyət dövrü

“Elektroenergetika və istilik energetikası” kafedrası 1995-ci ildə “İstilik texnikası və energetikası” adı ilə fəaliyyətə başlamışdır. 2010-cu il tarixdən tədrisin yeni standartlarının tətbiqi ilə əlaqədar olaraq kafedranın adında dəyişiklik aparılaraq “Elektroenergetika və istilik energetikası” adlandırılmışdır.

Azərbaycan Respublikası Prezidentinin 24.07.2015-ci il tarixli müvafiq sərəncamı ilə isə Mingəçevir Politexnik İnstitutunun bazasında Mingəçevir Dövlət Universiteti yaradılmışdır. Buna uyğun olaraq, yenidən formalaşan “Elektroenergetika və istilik energetikası” kafedrası, universitetin rektorunun müvafiq əmri ilə fəaliyyətini davam etdirməkdədir.

Fəaliyyət göstərdiyi bütün dövrlərdə kafedra Azərbaycan Respublikası Təhsil Nazirliyinin “Ali məktəblərin kafedraları haqqında əsasnamə”ni rəhbər tutmuş və işini bu əsasnamənin müddəalarına əsasən qurmuşdur. Kafedrada bakalavr təhsil pillə­si üzrə tədris həm əyani, həm də qiyabi formada apa­rılır. Kafedranın əməkdaşları tələbələrlə səmə­rə­li iş qurmağa çalışırlar. Lazımı hallarda kafedrada olan ədəbiyyatlar, eləcə də müəllimlərin şəxsi kitabxana fondunun ədəbiyyatları da tələbələrin sərəncamına verilir.

Fənlərin tələbələr tərəfində daha yaxşı mənimsənilməsində dərs vəsaitlərinin rolu danılmazdır. Kafedranın bütün əməkdaşları tədrisin keyfiyyətinin artırılması, tələbələrin elmi-yaradıcılıq qabiliyyətinin yüksəldilməsi, kitabla işləmə bacarığının formalaşdırılması üçün universitet kitabxanasının imkanlarından istifadə etməyə çalışır. Bundan başqa institutun kitabxanasının dərslik və dərs vəsaitləri ilə təmin olunmasında yaxından iştirak etməyə çalışırlar. Kafedrada tədris olunan ixtisas fən­ləri müasir tələblərə uyğun olaraq təkmilləşdirilir.

1995-2007-ci illərdə kafedrya f.r.f.d., dosent Mustafayev Fazil Mehrəli oğlu rəhbərlik etmişdir. 2007-ci ildən kafedra müdiri tex.f.d. Aşurova Ülkər İzzət qızı təyin olunmuşdur.

Rəhbərlik (kafedra müdiri haqqında qısa məlumat)

Aşurova Ülkər İzzət qızı 1974-cü ildə Əli Bayramlı (indiki Şirvan) şəhərində anadan olmuşdur. 1996-cı ildə Mingəçevir Politexnik İnstitutunun “Energetika və mexanika” fakültəsini fərqlənmə diplomu ilə bitirib. 1996-cı ildən Mingəçevir Politexnik İnstitutunda çalışıb. 1996-1998-ci illər ərzində institutun “Fizika, elektronika və izolyasiya texnikası” kafedrasında laborant, 1998-ci ildən isə “İstilik texnikası və energetikası” kafedrasında müəllim, sonra isə baş müəllim vəzifəsində işləmişdir.

Ü.İ.Aşurova 1998-ci ildə Azərbaycan Dövlət Neft Akademiyasının aspiranturasının qiyabi şöbəsinə daxil olmuş, 2005-ci ildə ”Buxarlandırıcı boruların temperatur rejimləri” mövzusunda dissertasiya işini müdafıə edərək texnika üzrə fəlsəfə doktoru elmi dərəcəsini almışdır.

2007-ci ildə Ü.İ.Aşurova müsabiqə yolu ilə “İstilik texnikası və energetikası”  kafedrasının müdiri vəzifəsinə seçilmiş və hazırda bu vəzifədə çalışır. 2009-cu ildə rektorun əmri ilə dosent elmi adı verilmişdir. 

Ü.İ.Aşurova 2015-ci ildən Azərbaycan Texniki Universitetinin elmlər doktoru proqramı üzrə doktorantıdır.

İxtisas haqqında 

Kafedrada yarandığı dövrdən 2007-ci ilədək “İstilik elektrik stansiyaları” ixtisası üzrə tədris aparılırdı. 2007-2008-ci tədris ilindən iki ixtisas üzrə – T030200 “Elektroenergetika şəbəkələri və sistemləri” və T040100 “İstilik elektrik stansiyaları” ixtisasları üzrə tədris aparılmağa başladı. 2009-2010-cu tədris ilindən yeni standartlara uyğun olaraq bu ixtisasların adları dəyişdirilmış və uyğun olaraq 050608 “Elektroenergetika mühəndisliyi” və 050609 “İstilik energetikası mühəndisliyi” adlandırılmışdır.

Tədris olunan fənlər

  1. Elektrotexniki materiallar
  2. Elektrotexnikanın  əsasları
  3. Ölçmə texnikasının əsasları
  4. Elektroenergetikanın əsasları
  5. Elektrik enerjisinin ötürülməsi və paylanması
  6. Elektrik enerjisinin istehsalı
  7. İstilik energetikasında su hazırlığı texnologiyası və su təchizatı
  8. İstilik texnikasının nəzəri əsasları
  9. İstilik energetik qurğuların yanacaqları, yanma nəzəriyyəsi və təsərrüfatı
  10. Energetikada idarəetmə, sertifikasiya və innovasiya
  11. Hidravlika
  12. Avtomatlaşdırmanınn əsasları
  13. Enerji daşıyıcılarının istilik fizikası
  14. Energetika və enerji resursları
  15. Su emalı qurğularının texnoloji sxemləri və layihələndirilməsi
  16. Elektrotexnika
  17. İstilik texnikası
  18. Rele mühafizəsi və avtomatika
  19. Еnergetik qurğular və istilik energetikası
  20. Elektrik sistemlərində keçid prosesləri
  21. Еlektrik maşınları
  22. Yüksək gərginlik texnikası
  23. Elektrik stansiyalarının elektrik hissələri
  24. Yerli elektrik şəbəkələri
  25. Kabel xətləri
  26. Elektrik işıqlandırılmasının əsasları
  27. Qаzodinamika
  28. Energetik qurğuların elektrik avadanlığı
  29. İstiləşdirmə və istilik şəbəkələri
  30. İstilik elektrik stansiyalarının buxar və qaz turbinləri
  31. İstilik elektrik stansiyalarının qazan qurğuları
  32. Elektrotexnika və еlеktronika
  33. Еlektroenergetik sistemlərin avtomatik qurğularının elementləri
  34. Elektrik sistemlərinin dayanıqlığı
  35. Alternativ enerji mənbələri
  36. Еlektrik stansiyalarının rejimləri və  istismarı
  37. Elektrik veriliş xətlərinin mexaniki hissələri
  38. Energetik sistemlər
  39. Uzaq elektrik ötürməsi
  40. Elektrik sistemlərinin etibarlılığı
  41. Elektrik sistemlərinin inkişafının optimal modeli
  42. Əməyin mühafizəsi
  43. Energetika və ətraf mühit
  44. Havanın kondisiyalaşması
  45. İstilik elektrik stansiyaları və köməkçi avadanlığı
  46. İstilik kütlə mübadilə aparatları və qurğuları
  47. Elektrik şəbəkələri və sistemləri
  48. İstilik elektrik stansiyalarının elektrik hissəsi
  49. İstilik energetika qurğularının kimyəvi su rejimləri

Çap olunmuş vəsaitlər haqqında (dərslik, dərs vəsaiti)

1. Hüseynov T.Ə. İstilik texnikasının əsaslarından laboratoriya işlərinə rəhbərlik, Bakı, 2004.

2. Hüseynov T.Ə., Eyyubova K.S. Konvektiv istilik mübadiləsi və aqreqat halı dəyişdikdə istilikvermə, Bakı, 2009.

3. Kafedranın əməkdaşları  M.L.Əfəndiyevin “Yanacaqlar və yanma nəzəriyyəsi” adlı dərsliyi və M.B.İsmayılovun  “İstilik elektrik stansiyalarının buxar və qaz turbinləri” adlı dərs vəsaiti qrif almaq üçün təqdim olunub.

Kafedra əməkdaşları haqqında məlumat

1

Aşurova Ülkər İzzət

-    tex.f.d., dosent, Kafedra müdiri

2

Musayev Zəbulla Nüsrəddin

- tex.f.d., dosent

3

Hüseynov Təhmasib Əbil

- tex.f.d., dosent

4

Eyyubova Kəmalə Səməd

- tex.f.d., baş müəllim

5

İsmayılov Mahir Balaca

- tex.f.d., baş müəllim

6

Əsgərova Hökumə Ağahüseyn

- tex.f.d., müəllim

7

Məmmədov Əli Hüseyn

- baş müəllim

8

Süleymanova Liliya Çingiz

- müəllim

9

Şıxəliyeva Səadət Yaşar

- müəllim

10

Nəcəfov Alim Vəzir

- müəllim

11

Şəfiyeva Aybəniz Baxış

- müəllim

12

Ədilov Əbülfət Həsən

- müəllim

13

Bəkirova Sveta Xalid

- laborant