2026-cı il 15 may tarixində Mingəçevir Dövlət Universitetində (MDU) “Zero Carbon EcoFest” festivalı keçiriləcək. Mingəçevir şəhərində təşkil olunacaq tədbir universitetin “Yaşıl Kampus” yanaşmasının genişləndirilməsi və dayanıqlı inkişaf prinsiplərinin təşviqinə yönəlmiş mühüm təşəbbüslərdən biri hesab olunur.

Festivalın əsas məqsədi kampusun karbon izinin azaldılması, tələbə və əməkdaşlar arasında ekoloji məsuliyyətin gücləndirilməsi, eləcə də dayanıqlı həyat tərzinin təşviq edilməsidir. Bu təşəbbüs universitetdə ekoloji idarəetmə təcrübələrinin daha sistemli tətbiqinə, resurslardan səmərəli istifadəyə və müasir yaşıl transformasiya yanaşmalarının genişləndirilməsinə töhfə verir.

Tədbir çərçivəsində iştirakçılar sıfır tullantı prinsipləri, yaşıl enerji həlləri, su ehtiyatlarının qorunması və iqlim dəyişikliyi ilə mübarizə mövzularında maarifləndirici fəaliyyətlərdən faydalanacaqlar. Bununla yanaşı, iştirakçıların bilik və bacarıqlarının inkişaf etdirilməsi məqsədilə praktiki təqdimatlar, interaktiv sessiyalar və ekoloji təşəbbüslər nəzərdə tutulur.

“Zero Carbon EcoFest” universitet mühitində ekoloji məsuliyyətli düşüncə tərzinin formalaşdırılması, innovativ və məsuliyyətli yanaşmaların təşviqi, həmçinin qlobal dayanıqlı inkişaf prioritetlərinə uyğun fəaliyyət modelinin gücləndirilməsi baxımından mühüm platforma rolunu oynayacaq.

Belə təşəbbüslər vasitəsilə MDU yalnız akademik missiyasını deyil, eyni zamanda ekoloji dayanıqlılıq, sosial məsuliyyət və sağlam həyat tərzinin təşviqi istiqamətində fəal mövqe nümayiş etdirdiyini bir daha ortaya qoyur.

Qeyd edək ki, festival universitetin “Yaşıl Kampus” strategiyası çərçivəsində həyata keçirilən fəaliyyətlərin genişləndirilməsini dəstəkləyir və beynəlxalq səviyyədə qəbul olunmuş dayanıqlılıq təcrübələrinə uyğun inkişafın təşviqinə xidmət edir.