İnformasiya Texnologiyaları Mərkəzi (bundan sonra – İTM) Mingəçevir Dövlət Universitetinin (bundan sonra MDU) əsas struktur bölmələrindən biri olaraq, tədris, elmi-tədqiqat və tərbiyə prosesinin informasiya təminatını həyata keçirən, biliyi, elmi, mədəniyyəti yeni metodlarla təbliğ edən, çap məhsullarını və elektron resursları toplayıb mühafizə edən, onların sistemli ictimai istifadəsini təşkil edən, cəmiyyətin intellektual və mənəvi potensialının inkişafına xidmət göstərən strukturdur.

İTM informasiya mübadiləsinin həyata keçirilməsi məqsədilə daxili şəbəkənin və internetə çıxışın fasiləsiz fəaliyyətinə, universitet binalarında kabelsiz internet (WIFI) xidmətinin göstərilməsinə nəzarət edir. Universitetin bütün struktur bölmələrində və auditoriyalarda yerləşən elektron qurğulara texniki xidmət göstərir, onların saz vəziyyətdə olması, lazımi proqram təminatı ilə təchiz edilməsini həyata keçirir. Universitetin elektron resurslarını nəzarətdə saxlayır, saytın fəaliyyətini nizamlayır. 

Mütəmadi olaraq professor-müəllim heyətinə videodərslərin hazırlanmasında köməklik göstərmək və hazırlanmış videodərsləri universitetin saytında yerləşdirilmək, əməkdaşlırın müxtəlif layihələrdə iştirakına mütəmadi dəstək göstərmək mərkəz tərəfindən həyata keçirilir. Əməkdaşların və tələbələrin kompüter biliklərinin artırılması daim diqqətdə saxlanılır və bu sahədə onlara yardım göstərilir.

İTM onlayn və ənəvi dərslərin dərslərin, müxtəlif tədbirləin, konfransların keçirilməsində (onlayn, oflayn), proqramların, dəvətnamələrin, təbriklərin hazırlanmasında fəaliyyət göstərir.  Tələbə qəbulu prosesi də mərkəzin əsas fəaliyyət istiqamətlərindən biridir.