Rektor Şahin Bayramovun 8 Mart- Beynəlxalq Qadınlar Günü münasibətilə təbriki

  • Рубрика записиXəbərlər (AZ)

Mingəçevir Dövlət Universitetinin rektoru Şahin Bayramovun 8 Mart- Beynəlxalq Qadınlar Günü münasibətilə təbriki

 

Mingəçevir Dövlət Universitetinin hörmətli xanım əməkdaşları!

Dəyərli xanım tələbələrimiz, magistrantlarımız və məzunlarımız!

Sizi 8 Mart – Beynəlxalq Qadınlar Günü münasibətilə ürəkdən təbrik edir, hər birinizə cansağlığı, xoşbəxtlik, şəxsi və professional həyatda yeni-yeni uğurlar arzulayıram.

Tarixi zəfərlə başa vurduğumuz 44 günlük Vətən Müharibəsində şücaət göstərən qəhrəmanlarımıza mənəvi dəstək olan ana, bacı və qızlarımızı ayrıca təbrik edir, Şəhid və Qazi anası olan xanımlarımıza dərin hörmət və ehtiramımı bildirirəm.

İnanıram ki, sürətlə müasirləşən universitetimizin növbəti uğurlarında da xanım əməkdaş, tələbə və məzunlarımız yaxından iştirak edəcəklər.

Əziz xanımlar!

Hər anınız xoş, həyatınız mənalı və bütün arzularınız gerçək olsun!

Bayramınız mübarək olsun!