Mingəçevir Dövlət Universitetində tələbələrin iştirakı ilə universitet ərazisində iməcilik tədbirləri həyata keçirilib və ağacəkmə aksiyası təşkil olunub.

Aksiya çərçivəsində tələbələr tərəfindən universitet həyətində abadlıq işləri aparılıb, ərazi təmizlənərək yaşıllıq zonalarının genişləndirilməsi məqsədilə müxtəlif növ ağaclar əkilib. Tədbirin əsas məqsədi ətraf mühitin mühafizəsinə töhfə vermək, ekoloji şüurun artırılması və tələbələrdə məsuliyyət hissinin formalaşdırılması olub.

Tədbirdə fəal iştirak edən tələbələr bu cür təşəbbüslərin həm təbiətin qorunmasına, həm də universitet mühitinin daha da gözəlləşdirilməsinə xidmət etdiyini bildiriblər.

Qeyd edək ki, bu kimi aksiyalar gənclərin ekoloji dəyərlərə bağlılığını gücləndirir və davamlı inkişaf prinsiplərinin təşviqinə töhfə verir.