2024-cü ilin 3 dekabr tarixində Mingəçevir Dövlət Universitetinin (MDU) tələbələri Mərkəzi Aran Regional Gənclər və İdman İdarəsi tərəfindən Mingəçevir Şəhər Uşaq Gənclər İdman Şahmat Məktəbində 3 Dekabr “Əlillər Günü”nə həsr olunmuş dama idman növü üzrə ali, orta ixtisas və peşə məktəblərin tələbələri arasında keçirilən turnirdə iştirak edib. MDU-nun  Rİ23.1 saylı qrup tələbəsi Aysel İsmayıllı I yer, MT24.2 saylı qrup tələbəsi Nərgiz Məhyəddinova II yer, AƏ23.2 saylı qrup tələbəsi İlahə Məmmədova III yer, Rİ21.1 saylı qrup tələbəsi Alış Kərimli II yer, MQ24.2 saylı qrup tələbəsi Yusif Ələsgər III yerin qalibi olub. Qalib tələbələrimiz sertifikatla təltif olunub.