Konfransın açılım mərasimi yekunlaşdıqdan sonra, plenar iclasa keçilmədən əvvəl, MDU rektoru v.m.i.e. Üzeyir Zeynalov ilə Düzce Universiteti rektoru Nedim Sözbir tərəfindən iki ali təhsil müəssisəsinin elmi-pedaqoji sahədə, ikili diplom proqramını da əhatə edən qarşılıqlı əməkdaşləğa dair Anlaşma Memorandumu imzalandı.

Memorandum çərçivəsində tərəflər müştərək elmi-pedaqoji tədbirlərin (konfrans, seminar, dəyirmi masa, ustad dərslər) təşkili, professor-müəllim heyətinin müddətli mübadiləsi, tələbələrin müddətli mübadiləsi və ən əsası ikili diplom proqramı çərçivəsində bir neçə ixtisas üzrə tələbə mübadiləsinin həyata keçirilməsi, o cümlədən beyləlxalq layihələr üzrə əməkdaşlıq fəaliyyətləri də daxil olmaqla, çoxaspektli əməkdaşlıq haqqında məqsəd və niyyətlərini ortaya qoydular.