Mingəçevir Dövlət Universitetinin Ekologiya ixtisası üzrə IV kurs tələbəsi Arzu Həsənova bir neçə mühüm layihədə iştirak edərək öz sahəsində dəyərli təcrübələr qazanmışdır.
Bu təcrübələr ona yalnız təhsildə deyil, həm də gələcək peşə həyatında uğur qazanmaq üçün güclü bir təməl yaratmışdır.
Həyatının ən gözəl uğurlarından biri isə “Zərif Mühəndislər” təqaüd proqramına seçilməsi olmuşdur. Bu proqramda iştirak etməklə o, həm akademik inkişafına, həm də mühəndislik sahəsindəki bilik və bacarıqlarının daha da irəliləməsinə imkanlar əldə etmişdir. Mingəçevir Dövlət Universitetinin tələbəsi olaraq, o, gələcəkdə ekoloji problemlərin həllinə töhfə vermək niyyətindədir.
Bu uğur yalnız Mingəçevir Dövlət Universitetinin Ekologiya ixtisası üzrə tələbələrinin deyil, həm də təhsil sisteminin inkişafı üçün bir göstəricidir. Tələbənin əldə etdiyi bu nailiyyətlər, gələcəkdə həm özünün, həm də təhsil aldığı universitetin uğurlarına bir təkandır.
Mingəçevir Dövlət Universiteti bu cür uğurlu tələbələrinin artan inkişafına və yeni imkanlara nail olmasına dəstək göstərməyə davam edir.