Mingəçevir Dövlət Universitetində (MDU) Rəqəmsal inkişaf və layihələrin idarə olunması şöbəsinin təşkilatçılığı ilə “Rəqəmsal bacarıqların inkişafı” mövzusunda 6 moduldan ibarət silsilə təlim keçirilib. Təlim universitetin hər üç fakültəsində təhsil alan tələbələri üçün nəzərdə tutulub.
Təlimi giriş sözü ilə Rəqəmsal inkişaf və layihələrin idarə olunması şöbəsinin müdiri Elçin Tağıyev açaraq qeyd edib ki, univeristetin tələbə heyəti ilə keçirilən sorğuların təhlilindən alınan nəticəyə əsasən günümüzdə rəqəmsal alətlərdən istifadə bacarıqlarının inkişaf etdirilməsinə yaranan tələbat bu sahədə ehtiyac duyulan təlimlərin təşkilini zəruri edir. Daha sonra E. Tağıyev interaktiv təlimdə təlim planına uyğun materiallarla iştirakçıları tanış edib , onların çoxsaylı suallarını cavablandırıb. Təlim iştirakçılar tərəfindən maraqla qarşılanıb.
