11-12 Sentyabr 2018-ci il tarixində Mingəçevir Dövlət Universitetinin İnformasiya Texnologiyaları Kafedrasının təşkilatçılığı ilə “Təhsildə Yeni Texnologiyaların Rolu: MS Office, İnteraktiv Lövhələr və Onların Təhsildə İstifadəsi” mövzusunda, təlimçilər kafedranın əməkdaşları A.M. Mustafayeva, A.M. Abdurrahmanova və E.O. Xəlilovun iştirakı ilə 2 günlük təlim keçirildi. Təlim Mingəçevir Dövlət Universitetinin İqtisadiyyat və İdarəetmə, Pedaqoji və Mühəndislik fakültələrinin akademik heyəti üçün tədrisin keyfiyyətini artırmaq məqsədilə rəqəmsal bacarıqların formalaşdırılması istiqamətində təşkil olunmuşdur. Təlimin məqsədi təhsildə texnologiyaların ilkin tətbiqi və tədrisdə tələbələrin fəallığının artırılması idi. Təlim zamanı akademik heyətə MS Office, İnteraktiv lövhələr və digər texnoloji vasitələrin təhsildə istifadəsi, elektron resursların (kitablar, dərsliklər) tətbiqi, müxtəlif cihazlarla (smartfon, planşet) dərs materiallarının paylanması və interaktiv rəqəmsal tədris metodları haqqında geniş məlumat verilmişdir. Bu təlim tədrisdə yeni texnologiyaların istifadəsini genişləndirmək və akademik heyətin rəqəmsal bacarıqlarını gücləndirmək məqsədi daşıyır.