Mingəçevir Dövlət Universitetinin inkişaf strategiyasının icrası çərçivəsində təhsilin keyfiyyətinin yüksəldilməsi və tədris prosesinin rəqəmsallaşdırılmasına yönəlmiş hədəfə çatmaq üçün universitet rəhbərliyinin yüksək qayğısı və diqqəti nəticəsində İnformasiya texnologiyaları kafedrasının təşkilatçılığı ilə tələbələr üçün Python proqramlaşdırma dili üzrə 4 aylıq modul təlim təşkil edilib. Təlim Azərbaycan Dövlət Neft və Sənaye Universitetinin əməkdaşı Nail Məmmədov tərəfindən onlayn formatda MS Teams təhsil platforması üzərindən keçirilir. İlk gündən təlim tələb olunan proqramlaşdırma bacarıqlarını öyrənmək istəyən tələbələrin böyük marağına səbəb oldu ki, bu da onların gələcək peşəkar çağırışlara hazırlanmasında mühüm addım olacaqdır.