Keyfiyyət təminatı və Akkreditasiya şöbəsi

Mingəçevir Dövlət Universitetinin Keyfiyyət Təminatı və Akkreditasiya Şöbəsi təhsil sistemindəki keyfiyyətin yüksəldilməsi və akkreditasiya proseslərinin həyata keçirilməsini təmin etmək məqsədini güdür. Bu şöbə, MDU-da təhsil proseslərinin beynəlxalq və ümumavropa təhsil standartlarına uyğun olaraq inkişaf etdirilməsinə yönəlik fəaliyyət göstərir. Tədrisin keyfiyyətini artırmaq və MDU-nun məqsəd və hədəflərini reallaşdırmaq üçün həm akademik, həm də inzibati heyətin peşəkarlığının inkişafını dəstəkləyir.

Şöbə, fəaliyyətini Azərbaycan Respublikasının qanunvericilik və normativ hüquqi aktlarına, həmçinin MDU rəhbərliyinin qərar və göstərişlərinə uyğun olaraq həyata keçirir. Əsasən, təhsil proseslərinin effektivliyini artırmaq, akkreditasiya tələblərinə cavab verən fəaliyyətlər təşkil etmək və təhsildə davamlı inkişafı təmin etmək məqsədi daşıyır.