2024-cü ilin noyabrın 25-də Mingəçevir Dövlət Universitetinin (MDU) Mühəndislik fakültəsində “Yaşıl Dünya Naminə Həmrəylik İli” çərçivəsində Tələbə Elmi Cəmiyyətinin (TEC) “Zəfərimiz və yaşıl dünya: ekoloji məsuliyyət və birlik ruhu” mövzusuna həsr edilmiş XVIII elmi konfransı keçirilib. Konfransda MDU-nun bir qrup akademik-inzibati heyət üzvləri, tələbə və magistrantlar iştirak edib. Konfrans Azərbaycan Respublikasının Dövlət Himninin səsləndirilməsi ilə başlayıb, Azərbaycanın müstəqilliyi və ərazi bütövlüyü uğrunda şəhid olan qəhrəmanların ruhuna ehtiram olaraq 1 dəqiqəlik sükutla yad edilib.
Konfransı giriş nitqi ilə açan MDU-nun Mühəndislik fakültəsinin dekanı Almaz Əliyeva tələbə gənclərin elmi tədqiqata olan marağını yüksək qiymətləndirirək bu istiqamətdə inkişafın davamlı olmasını aruzlayıb. Universitetdə gənclərin tədqiqat bacarıqlarının inkişafı istiqamətində atılan addımlar diqqətə çatdıran dekan bu kontekstdə tələbələr arasında təşkil edilən elmi tədbirlərin önəmini xüsusi vurğulayıb və konfransın işinə uğurlar arzulayıb. A. Əliyeva universitetin ekoloji maarifləndirmə və davamlı inkişaf prinsiplərinin yayılmasında oynadığı rolu vurğulayıb.
Sonra məruzələr dinlənilib. Konfransda Mingəçevir Dövlət Universitetinin (MDU) SM23 saylı qrup tələbəsi Ayşən Abdullayeva “Sənaye istehsalı və ətraf mühit”, İT21 saylı qrup tələbəsi Məryəm Bəkirova “Rəqəmsal və yaşıl enerji təhlükəsizliyi: oxşar və fərqli cəhətləri”, E22 saylı qrup tələbəsi Səbinə Qədimova “Yaşıl texnologiyaların dayanıqlı inkişafda rolu”, EEM23 saylı qrup tələbəsi Nigar Məmiyeva “Piroelektriklər yaşıl enerji mənbəyi kimi”, KE24 saylı qrup tələbəsi Amil İmamquliyev “Azure bulud platforması və elastik buludun inteqrasiyası”, EM21 saylı qrup tələbəsi Məleykə Həziyeva “Ətraf mühitin mühafizəsində ekoloji tərbiyənin rolu”, İnT23 saylı qrup tələbəsi Sənubər Feyzullayeva “Rəqəmsal texnologiyada süni intellektin rolu”, HT23 saylı qrup tələbəsi Amin Əsədov “İqlim dəyişikliyi” mövzularında çıxış ediblər. Konfrans iştirakçılar tərəfindən maraqla qarşılanıb.
Qeyd edək ki, MDU-da ətraf mühitin mühafizəsi və ekoloji problemlərin həlli istiqamətində mühüm tədbirlərin keçirilməsinə xüsusi diqqət verilir.
