İmtahanların təşkili və qiymətləndirilməsi şöbəsi

İmtahanların təşkili-monitorinq və qiymətləndirmə şöbəsi Mingəçevir Dövlət Universitetində tədris prosesinin ayrılmaz hissəsi olan imtahanların təşkili, keçirilməsi, monitorinqi və nəticələrin qiymətləndirilməsi prosesini koordinasiya edən struktur bölmədir. Şöbə universitetdə imtahanların şəffaf, obyektiv və mövcud normativ sənədlərə uyğun şəkildə keçirilməsini təmin edir.

Şöbə öz fəaliyyətində Azərbaycan Respublikasının qanunvericiliyini, Azərbaycan Respublikası Elm və Təhsil Nazirliyinin normativ sənədlərini, Mingəçevir Dövlət Universitetinin Nizamnaməsini, universitet rəhbərliyinin əmr və göstərişlərini rəhbər tutur.

Şöbədə görülən işlər

Şöbənin əsas fəaliyyət istiqamətləri aşağıdakılardır:

Universitetdə imtahan sessiyalarının təşkili və keçirilməsini koordinasiya etmək;
İmtahan cədvəllərinin hazırlanmasında iştirak etmək və onların icrasına nəzarət etmək;
İmtahanların mövcud qaydalara uyğun keçirilməsini təmin etmək;
İmtahan prosesinin monitorinqini aparmaq;
İmtahanlarda şəffaflığın və obyektivliyin təmin edilməsinə nəzarət etmək;
Tələbələrin imtahan prosesi ilə bağlı müraciətlərini qəbul etmək və araşdırmaq;
İmtahan nəticələrinin sistemləşdirilməsi və təhlilini aparmaq;
Akademik borclar və təkrar imtahanların təşkili ilə bağlı işləri koordinasiya etmək;
İmtahan prosesində yarana biləcək problemlərin operativ həllində iştirak etmək;
Elektron imtahan və qiymətləndirmə sistemlərinin tətbiqində iştirak etmək;
İmtahan nəticələri üzrə statistik məlumatları hazırlamaq və təqdim etmək;
Universitet rəhbərliyinə imtahanların nəticələri barədə hesabatlar təqdim etmək.

Şöbənin vəzifələri

İmtahanların təşkili və idarə olunmasını təmin etmək;
İmtahanların keyfiyyətinə nəzarət etmək;
Qiymətləndirmə prosesinin obyektivliyini təmin etmək;
İmtahan prosesinin təkmilləşdirilməsi ilə bağlı təkliflər vermək.

Şöbənin hüquqları

Universitetin struktur bölmələrindən imtahanların təşkili ilə bağlı məlumat və sənədlər tələb etmək;
İmtahan prosesinin təşkilində iştirak edən əməkdaşların fəaliyyətinə nəzarət etmək;
İmtahan prosesinin təkmilləşdirilməsi ilə bağlı təkliflər irəli sürmək;
İmtahan qaydalarının pozulması halları ilə bağlı müvafiq tədbirlərin görülməsini təklif etmək.