MDU-nun Elmi işlər üzrə prorektor əvəzi prof. Veysəl Əyyubov və Dayanılqlı inkişaf və regional innovasiyalar tədqiqat mərkəzinin müdiri dos. Asim Məmmədovdan ibarət nümayəndə heyəti Türkiyənin Düzce Universitetində olmuşlar. Keçirilən görüşlərdə universitetlər arasında əməkdaşlıq imkanları geniş müzakirə olunmuşdur.
28 noyabr 2024-cü il tarixində MDU-nun nümayəndə heyəti Düzcə Universitetinin rektoru Prof. Dr. Nedim Sözbirlə görüşdü. Prof. Veysəl Əyyubov MDU-nun rektor vəzifəsini icra edən Üzeyir Zeynalovun salamlarını Düzce Universitetinin rektoruna va bütün kollektivinə çatdırdi. Sonra V.Əyyubov qeyd etdi ki, MDU-nun Ankarada yerləşən bir sıra ali təhsil müəssisələri ilə yaxın əməkdaşlığı mövcuddur, lakin MDU, Türkiyənin region universitetləri ilə də geniş əməkdaşlıq etmək arzusundadır. Məhz bu məqsədlə, MDU Düzce Universiteti ilə əməkdaşlıą etməkdə maraqlıdır. V.Əyyubov MDU-nun təşkilatçılığı ilə 13-14 dekabrda keçiriləcək beynəlxalq konfransda hörmətli N.Sözbirin rəhbərlik etdiyi nümayəndə heyətinin iştirakının məmnunluq yaratdığını bildirdi.
Öz növbəsində, rektor Prof. Dr. Nedim Sözbir salamlarını MDU-nun rektoru cənab Ü.Zeynalova va kollektivə çatdırılmasını xahiş etdi. Çox səmimiyyətlə söhbət zamanı bildirdi ki, Düzcə Universiteti MDU-nun arzu etdiyi bütün sahələr üzrə əməkdaşlığa hazırdır.
Nümayəndə heyəti “GETAT -Xalq təbabəti klinikası”nda, Eğitim fakültəsində (Təhsil fakültəsi) “Elmi tədqiqat laboratoriyası”nda, Orman Fakültəsində yerləşən tədqiqat mərkəzlərində, kənd təsərrüfatı tullantılarının emal edildiyi laboratoriyada, Mühəndislik fakültəsinin Komputer laboratoriyasında, Texnoparkda olmuşlar. Həmçinin bitki növlərinin tədqiqi sahəsində regionda yeganə botanik parkla yaxından tanış olmuşlar. Nümayəndə heyəti laboratoriyalarda həyata keçirilən elmi tədqiqat prosesləri və əldə olunan nümunə məhsullarla, məhsul istehsal prosesi və texniki avadanlıqlarla tanış oldular.
Nümayəndə heyəti bu ali təhsil müəssisəsində təhsil alan bir neçə azərbaycanlı tələbə ilə də görüș keçirdi.
Nümayəndə heyətini Düzce Universitetinin Beynəlxalq əlaqələr ofisinin koordinatoru dos. Sibel Bayram müşayiət etdi.
