2024-cü ilin 12 dekabr tarixində Mingəçevir Dövlət Universitetinin akademik, inzibati heyəti və bir qrup tələbəsi müasir müstəqil Azərbaycanın memarı və qurucusu, ümummilli lider Heydər Əliyevin anım günü münasibətilə abidəsi önünə gül dəstələri qoyaraq, onun xatirəsini ehtiramla yad ediblər. Tələbələr Heydər Əliyevin xatirəsinə ehtiramlarını ifadə edərək, onun Azərbaycan xalqı üçün gördüyü misilsiz işlərdən danışmış və onun vətənə bağlılıq prinsiplərindən ilham aldıqlarını qeyd etmişlər. Tədbir çərçivəsində tələbələr Heydər Əliyevin həyat və fəaliyyətinə dair məlumatlarla tanış olmuş və onun Azərbaycan tarixindəki əhəmiyyətini vurğulamışlar.