Nizami Dilənçi oğlu Zeynalov 10 yanvar 1977-ci ildə Yevlax rayonunda anadan olub. Orta təhsilini Yevlax rayonunun T.Səmədov Varvara kənd tam orta məktəbində alıb.
1994-1998-ci illərdə Bakı Dövlət Universitetində təhsil alıb, tarix müəllimi ixtisasına yiyələnib.
1998-ci ildə Bakı şəhəri Nəsimi rayonu 35 saylı məktəbdə tarix müəllimi vəzifəsində çalışıb.
2001-ci ildə Mingəçevir şəhəri N.Nərimanov adına 1 saylı orta məktəbdə tarix müəllimi vəzifəsində işləyib.
2002-2005-ci illərdə Bakı Dövlət Universitetində magistr dərəcəsinə yiyələnib.
2006-2009-cü illərdə AMEA-nın A.Bakıxanov adına Tarix İnstitutunun “Azərbaycanın qədim tarixi”şöbəsində aspirantura təhsili alıb.
2010-cu ildə tarix üzrə fəlsəfə doktoru elmi dərəcəsini alıb.
2010-cu ildə Mingəçevir Dövlət Universitetində (keçmiş Mingəçevir Politexnik İnstitutunda) tyutor, 2011-ci ildə isə elmi katib vəzifəsində çalışıb.
2012-ci ildə Azərbaycan Müəllimlər İnstitutunun Mingəçevir filialında dekan vəzifəsində işləyib.
2015-ci ildə Mingəçevir Dövlət Universitetində Pedaqogika və psixologiya kafedrasının müdiri vəzifəsində çalışıb. Hal-hazırda Mingəçevir Dövlət Universitetinin (MDU) Təhsil fakültəsinin dekanı vəzifəsində çalışır.
Bu gün Nizami müəllimin doğum günüdür!
Hörmətli Nizami müəllim, Mingəçevir Dövlət Universitetinin  kollektivi,  bu gözəl gün münasibətilə Sizi ürəkdən təbrik edir, tədris və elmi fəaliyyətinizdə uğurlar arzulayır.
Bu xoş gününüzdə Sizə sağlamlıq, uzun ömür və yeni elmi uğurlar, gələcək fəaliyyətinizdə daha böyük nailiyyətlər əldə etməyinizi diləyirik.
Təbrik edirik!