Mingəçevir Dövlət Universiteti Riyaziyyat və İnformasiya Texnologiyaları fakültəsinin dekanı vəzifəsinə müsabiqə elan edir. Müsabiqədə fakültənin profilinə uyğun peşə-ixtisas hazırlığı, elmi dərəcəsi və elmi adı, ən azı 5 il elmi-pedaqoji təcrübəsi olan namizədlər iştirak edə bilərlər.

Əmək funksiyası:

– Fakültədə tədris, elmi-tədqiqat, metodiki, təşkilati və tərbiyəvi işlərin planlaşdırılmasına və həyata keçirilməsinə rəhbərlik etmək;

– Təhsilalma formaları üzrə mühazirələrin, laborator, praktik seminar məşğələlərinin və s. təşkili və keçirilməsi üzrə fakültənin professor-müəllim heyətinin fəaliyyətini əlaqələndirmək;

– Yekun dövlət attestasiyasına, ixtisas üzrə təcrübəyə, kurs və buraxılış işləri layihələrinə, tələbələrin sərbəst işlərinə, imtahanların keçirilməsinə, tələbələr arasında tərbiyəvi işlərin təşkilinə rəhbərlik etmək;

– Fakültə üzrə tədris prosesinin mövcud normativ sənədlərə, tədris planlarına və proqramlara uyğun təşkilinə nəzarət etmək;

– Professor-müəllim heyətinin dərs yükünün bölgüsünü aparmaq, onun müzakirəsi və təsdiqini təşkil etmək;

– Professor-müəllim heyətinin fərdi və təqvim planlarını təsdiq etmək;

– Təsdiq olunan fənlər üzrə tədris proqramlarının işlənib hazırlanmasına rəhbərlik etmək və onları təsdiq etdirmək;

– Bu proqramlara uyğun dərsliklərin, tədris-metodiki və tədris vəsaitlərinin hazırlanmasını təmin etmək;

– Fakültədə təhsil alan tələbə və magistrantların tədris, elmi-tədqiqat, innovasiya və praktiki hazırlıq fəaliyyətlərinin inkişafına şərait yaratmaq;

– Təsdiq olunmuş plana uyğun olaraq professor-müəllim heyətinin və tələbələrin elmi-tədqiqat işləri aparmasına şərait yaratmaq, bitmiş elmi-tədqiqat işlərinin müzakirəsini keçirmək və onların nəticələrinin istehsalata tətbiqinə nəzarət etmək;

– Fakültə Elmi Şurasının fəaliyyətini təşkil etmək, fakültənin struktur bölmələrinin fəaliyyətini əlaqələndirmək;

– Fakültədə keyfiyyət təminatı, akademik intizam, tələbəyönümlü tədris mühiti və müasir idarəetmə yanaşmalarının tətbiqini təmin etmək.

Bilməlidir:

– “Təhsil haqqında” və “Elm haqqında” Azərbaycan Respublikasının qanunlarını;

– Elm və təhsil sahələrinə aid Azərbaycan Respublikası Prezidentinin fərman və sərəncamlarını;

– Azərbaycan Respublikası Nazirlər Kabinetinin aidiyyəti qərar və sərəncamlarını;

– Azərbaycan Respublikasının təhsil sahəsi üzrə mərkəzi icra hakimiyyəti orqanının aidiyyəti qərar, sərəncam və əmrlərini;

– Sosial-iqtisadi inkişaf tələblərinə uyğun bilik və bacarığa malik mütəxəssis yetişdirilməsinə olan tələbləri;

– Ali təhsil üzrə təsdiq edilən dövlət təhsil standartlarını və proqramlarını;

– Aparılan elmi tədqiqatların müasir standartlar səviyyəsinə çatdırılmasını, elmi tədqiqat işlərinin nəticələrinin tədris prosesində və istehsalatda tətbiqinin təşkil olunmasını;

– Ali məktəb pedaqogikasını və psixologiyasını, tədris planlarının və proqramlarının tərtibini;

– Tədris olunan hər bir fənn üzrə proqramların, laborant-texniki heyətin və professor-müəllim heyətinin görəcəyi auditoriyadan kənar işlərin məzmununu;

– Müəllim və tələbələrin elmi-tədqiqat işlərinə rəhbərlik məsələlərini;

– Təhsil müəssisələrinin qabaqcıl iş təcrübəsinin öyrənilməsi və yayılmasını;

– Tədris prosesində təlimin texniki vasitələrindən istifadəni;

– Əməyin mühafizəsi, təhlükəsizlik texnikası, sanitar-gigiyena və yanğından mühafizə norma və qaydalarını.

Namizədin aktiv elmi-tədqiqat fəaliyyəti ilə məşğul olması, yüksək indeksli beynəlxalq və yerli elmi jurnallarda məqalələrinin dərc edilməsi üstünlük kimi qiymətləndirilir.

Tələb olunan sənədlər:

– Rektorun adına yazılmış ərizə (Universitet əməkdaşları üçün, Universitetdən kənar əməkdaşlar üçün);

– Şəxsiyyət vəsiqəsinin surəti;

– Kadrların şəxsi qeydiyyat vərəqəsi;

– Tərcümeyi-hal;

– Ali təhsil, elmi dərəcə və elmi ad haqqında sənədlərin surəti;

– Dərc olunmuş elmi əsərlərin, kəşf və ixtiraların təsdiq edilmiş siyahısı.

Qeyd: Tələblərə cavab verən namizədlər tələb olunan sənədləri 31.07.2026-cı il tarixinədək “Riyaziyyat və İnformasiya Texnologiyaları fakültəsinin dekanı vəzifəsi üzrə elan edilmiş müsabiqədə iştirak” yazmaqla vacancy@mdu.edu.az elektron poçt ünvanına göndərə bilərlər.