Mingəçevir Dövlət Universitetində tədrisin keyfiyyətinin artırılması məqsədilə Monitorinq qrupu yenidən formalaşdırılıb. 2024-2025-ci tədris ilində payız imtahan sessiyasının şəffaf, obyektiv və ədalətli keçirilməsini təmin etmək məqsədilə həyata keçirilən monitorinq Azərbaycan dili və ədəbiyyatı müəllimliyi ixtisası üzrə II kursda “Müasir Azərbaycan dili-2” fənni üzrə aparılıb. Monitorinq qrupunun rəhbəri dosent Namaz Manafov, İqtisadiyyat kafedrasının baş müəllimi Mehriban Kərimova və iqtisad üzrə fəlsəfə doktoru Ruhiyyə Hüseynova imtahanları müşahidə ediblər.