12-13 Sentyabr 2019-cu il tarixində Mingəçevir Dövlət Universitetinin İnformasiya Texnologiyaları Kafedrasının təşkilatçılığı ilə “Əsas İKT Alətləri və Təhsil Prosesində Onların Rolu” mövzusunda 2 günlük təlim keçirildi. Təlim, akademik heyət üçün müasir tədris metodlarına keçidi təmin etmək məqsədilə təşkil olunmuşdur. Təlimin əsas məqsədi İKT alətlərinin təhsildə səmərəli istifadəsini təşviq etmək və yeni texnologiyaların tətbiqinin tədris prosesinə necə təsir etdiyini izah etmək idi. Təlim zamanı bulud texnologiyalarının istifadəsi, xüsusilə Google Drive və OneDrive kimi alətlər haqqında məlumat verildi. Həmçinin, tədrisdə interaktiv metodların tətbiqi ilə bağlı Quizlet, Kahoot və Google Forms alətlərinin istifadəsi barədə məlumatlar təqdim olundu. Təlimin keçirilməsində məqsəd, akademik heyətin müasir texnologiyaları tədrisdə effektiv şəkildə istifadə etmələrini təmin etmək idi. Təlimçilər: E.O. Xəlilov, Ş.S. Nəsirova və N.K. Əhmədova olmuşdur.