2022-ci ilin 1 fevral tarixində Mingəçevir Dövlət Universitetinin (MDU) tələbələri Mingəçevir Dövlət Dram Teatrında “Müsyö Jordan və Dərviş Məstəli Şah” tamaşasını nümayiş etdiriblər.

MDU, Mingəçevir şəhər Gənclər və İdman İdarəsi, Gənclərin İnkişafı və Karyera Mərkəzinin Mingəçevir nümayəndəliyinin tərəfdaşlığı, Mingəçevir Dövlət Dram Teatrının dəstəyi ilə baş tutan tamaşa Azərbaycan Gəncləri Gününün 25 illiyinə həsr olunub.

Tələbələr Azərbaycan dramaturgiyasının banisi Mirzə Fətəli Axundovun “Hekayəti-Müsyö Jordan Həkimi-Nəbatat və Dərviş Məstəli Şah Cadükuni-Məşhur” əsərini müasirləşdirib və günümüzün hadisələri ilə əlqələndiriblər.

Gənclərin əsərə fərqli baxışları və ifaları tamaşaçılarda maraq doğurub.

Qeyd edək ki, gənclərin hərtərəfli inkişafını diqqət mərkəzində saxlayan MDU-da tələbələrin təhsil və elmi fəaliyyəti ilə yanaşı, onların asudə vaxtlarının səmərəli keçirilməsi, yaradıcılıq qabiliyyətlərinin aşkara çıxarılması və gücləndirilməsi məsədilə müvafiq şəraitin yaradılmasına xüsusi önəm verilir.