Müasir təhsil, doğru seçim, uğurlu karyera

Qəbul qaydaları

Bakalavriat təhsil səviyyəsinə qəbul

Ali təhsil müəssisələrinə qəbul olmaq hüququna tam orta, orta ixtisas və ya ali təhsili başa vurmaq haqqında müvafiq dövlət nümunəli sənəd almış şəxslər malikdirlər.

Mingəçevir Dövlət Universitetinə tələbə qəbulu ümumi əsaslarla aparılır. Abituriyentlər Dövlət İmtahan Mərkəzinin keçirdiyi test imtahanlarında iştirak etməklə ümumi müsabiqədən keçir və müsabiqədə yetərincə bal toplamış abituriyentlər universitetə qəbul olunurlar. Eyni zamanda orta ixtisas təhsilini başa vurmuş subbakalavrlar müsabiqədənkənar qəbul prosesində iştirak edə bilirlər.

Bakalavriat səviyyəsində təhsil dövlət sifarişi əsasında və ya ödənişli əsaslarla həyata keçirilir.

Tələbənin bakalavriatda təhsil alması Mingəçevir Dövlət Universiteti ilə sifarişçi – valideyn, tələbə və ya hər hansı bir müəssisə arasında bağlanan xüsusi müqavilə ilə tənzimlənir.

Universiitetə qəbul prosesi ilə bağlı bütün məlumatları almaq üçün Tədris şöbəsinə və ya qəbul aparılan dövrdə Sənəd Qəbul Komissiyasına müraciət edə bilərsiniz.

 

Magistratura təhsil səviyyəsinə qəbul
Hər hansı bir ixtisas üzrə ali təhsil haqqında diplomu olan bir şəxs magistraturaya qəbul olmaq hüququna malikdir.

Magistraturaya qəbul Dövlət İmtahan Mərkəzi tərəfindən aparılır. Hər hansı bir ixtisas üzrə ali təhsili olan şəxslər Dövlət İmtahan Mərkəzinin keçirdiyi test imtahanlarında iştirak etməklə ümumi müsabiqədən keçir və müsabiqədə yetərincə bal toplamış bakalavrlar magistraturaya qəbul olunurlar.

Magistratura səviyyəsində təhsil dövlət sifarişi əsasında və ya ödənişli əsaslarla həyata keçirilir.

Tələbənin magistraturada təhsil alması Mingəçevir Dövlət Universiteti ilə sifarişçi – valideyn, tələbə və ya hər hansı bir müəssisə arasında bağlanan xüsusi müqavilə ilətənzimlənir.

Universiitetə qəbul prosesi ilə bağlı bütün məlumatları almaq üçün Tədris şöbəsinə və ya qəbul aparılan dövrdə Sənəd Qəbul Komissiyasına müraciət edə bilərsiniz.