Tələbə Rektor

Mingəçevir Dövlət Universitetində Tələbə Rektoru universitetin əyani təhsil alan tələbələri arasından müəyyən olunmuş qaydalar əsasında bir il müddətinə seçilir. Tələbə Rektoru tələbələrin maraqlarını təmsil edən ali tələbə nümayəndəsidir.

Tələbə Rektoru universitetin idarəetmə proseslərində tələbələrin iştirakını təmin edən mühüm mexanizmlərdən biridir. O, tələbələrin sosial, akademik və təşkilati maraqlarını ifadə edir, bu maraqların müzakirə və qərar qəbuletmə proseslərində nəzərə alınmasına töhfə verir.

Tələbə Rektoru Mingəçevir Dövlət Universitetinin Elmi Şurasının və tələbə maraqlarını əhatə edən digər struktur bölmələrinin iclaslarında iştirak etmək hüququna malikdir. Eyni zamanda, gənclərlə iş üzrə müvafiq qurumlarla qarşılıqlı əməkdaşlıq çərçivəsində təmsilçilik və məsləhətçi funksiyalarını icra edir, səlahiyyətləri daxilində universiteti və tələbələri digər ali təhsil müəssisələri ilə münasibətlərdə təmsil edir.

Tələbə Rektorluğu institutu tələbə özünüidarəetməsinin inkişafına, tələbələrin təşəbbüskarlığının və fəallığının artırılmasına xidmət edir.