Rumıniyanın Timisoara Politexnik İnstitutu və Transilvania Universiteti Erasmus + proqramı çərçivəsində tələbə-müəllim mübadiləsinə sənəd qəbulu elan edir
Avropa İttifaqının maliyyələşdirdiyi Erasmus+ proqramı çərçivəsində Rumıniyanın Timisoara Politexnik İnstitutu (Timisoara Polytechnic İnstitute) və Transilvania Universiteti (University of Transilvania) tələbə-müəllim mübadiləsinin həyata keçirilməsi üçün sənəd qəbuluna başladı.
Mingəçevir Dövlət Universitetinin (MDU) tələbələri mübadilə proqramı çərçivəsində Timisoara Politexnik İnstitutunda “Nəqliyyat xidmətləri” və “Ətraf mühitin təhlükəsizliyi texnologiyası” (qeydiyyat linki: www.upt.ro/international), Transilvania Universitetində isə “Sosial Elmlər”, “Biznes İdarəçiliyi” və “İnformasiya Texnologiyaları” ixtisasları (qeydiyyat linki: www.unitbv.ro/en/erasmus-students/incoming-students.html) üzrə təhsil ala bilərlər.
Qeyd etmək lazımdır ki, MDU Erasmus+ proqramı çərçivəsində Rumıniyanın Timisoara Politexnik İnstitutu və Transilvania Universiteti ilə müəllim-tələbə mübadiləsinin həyata keçirilməsinə dair ikili saziş imzalayıb. Saziş 2021/2022-ci tədris ili üçün ali təhsilin bütün səviyyələri üzrə (bakalavr, magistratura və doktorantura) tələbə mübadiləsinin həyata keçirilməsini nəzərdə tutur. Universitetdə tədris ingilis dilində aparılacaq. Mübadilə ilə bağlı bütün xərclər Erasmus+ təqaüdü hesabına ödəniləcək. Aşağıdakı tələblərə cavab verən tələbələr bir semestr ərzində Timisoara Politexnik İnstitutunda və Transilvania Universitetində təhsil ala bilərlər:
- I, II, III kurs tələbələri və magistrantlar;
- Minimum orta qiyməti 75 bal olan tələbələr və 80 bal olan magistrantlar;
- İngilis dilini B1 səviyyəsində bilən tələbələr və magistrantlar.
Ətraflı məlumat üçün aşağıdakı elektron poçt ünvanlarına yaza və Beynəlxalq əməkdaşlıq şöbəsinə müraciət edə bilərsiniz.
Son müraciət tarixi 20.06.2021
