Mingəçevir Dövlət Universitetində hüquqi şəffaflığın artırılması, ədalətə çıxış imkanlarının genişləndirilməsi və texnologiyanın bu sahədə tətbiqinin təşviqi məqsədilə “Sülh və Ədalət üçün Texnologiya Startapları” mövzusunda startap yarışı keçirilmişdir. Tədbir universitetin Hüquqşünası və Mühəndislik fakültələrinin birgə əməkdaşlığı ilə təşkil olunmuş və iştirakçıların hüquq və texnologiyanı birləşdirən innovativ həllər üzərində işləməsinə imkan yaratmışdır.
Yarışma çərçivəsində iştirakçılar ədalət sistemində mövcud problemləri təhlil edərək onların həllinə yönəlmiş texnoloji layihələr hazırlamışlar. Komandalar hüquqi xidmətlərə çıxışın asanlaşdırılması, rəqəmsal hüquqi platformaların yaradılması, şəffaflığın artırılması, məlumatların təhlükəsiz idarə olunması və vətəndaşların hüquqlarının qorunmasına yönəlmiş innovativ həllər təqdim etmişlər.
Tədbirin əsas məqsədi iştirakçıları hüquqi sahədə texnologiyanın tətbiqi imkanları ilə tanış etmək və onları real problemlərə praktik həllər təqdim etməyə təşviq etmək olmuşdur. İştirakçılar layihələrini hazırlayarkən həm texniki əsaslandırmanı, həm hüquqi uyğunluğu, həm də sosial təsir amillərini nəzərə almışlar.
Yarışma müddətində iştirakçılar intensiv komanda işi şəraitində fəaliyyət göstərmiş, qısa zaman ərzində ideyalarını formalaşdıraraq funksional layihələrə çevirmişlər. Bu proses onların analitik düşünmə, problem həll etmə və innovativ yanaşma bacarıqlarının inkişafına mühüm təsir göstərmişdir.
Yekun mərhələdə komandalar hazırladıqları startap layihələrini münsiflər heyətinə təqdim etmişlər. Qiymətləndirmə zamanı ideyaların innovativliyi, tətbiq imkanları, hüquqi və texnoloji uyğunluğu, həmçinin ədalət və şəffaflığa verdiyi töhfə əsas meyarlar kimi nəzərə alınmışdır. Ən uğurlu layihələr seçilərək xüsusi qeyd olunmuş və iştirakçılara onların gələcək inkişafı üçün tövsiyələr verilmişdir.
“Sülh və Ədalət üçün Texnologiya Startapları” yarışı tələbələrin hüquq və texnologiya sahəsində biliklərinin inteqrasiyasına, onların sosial məsuliyyət və innovativ düşüncə bacarıqlarının inkişafına töhfə verən və cəmiyyət üçün faydalı texnoloji həllərin formalaşmasına imkan yaradan mühüm təşəbbüslərdən biri kimi yadda qalmışdır.