29 avqust 2025-ci il tarixində Mingəçevir Dövlət Universitetinin (MDU) qəhrəman məzunu, Vətən Müharibəsi şəhidi Əzəmi Hüseynovun doğum gününü dərin ehtiramla anılıb. Universitetin rektoru Anar Eminov şəhidin məzarını və ev muzeyini ziyarət edərək, ailə üzvlərinə universitet kollektivi adından ehtiramını bildirib, xatirəsinə dualar oxuyub.
Əzəmi Hüseynov 2010–2014-cü illərdə Mingəçevir Politexnik İnstitutu (indiki Mingəçevir Dövlət Universiteti) Energetika mühəndisliyi ixtisasında ali təhsil alıb. O, 2020-ci ilin 8 oktyabr tarixində 44 günlük Vətən Müharibəsi zamanı Suqovuşan istiqamətində gedən döyüşlərdə qəhrəmancasına şəhidlik zirvəsinə ucalıb.
Şəhidin ailə üzvləri onlara göstərilən diqqət və qayğıya görə ölkə rəhbərliyinə öz minnətdarlıqlarını bildiriblər.
Azərbaycan Respublikasının Prezidenti tərəfindən “Vətən uğrunda”, “Suqovuşanın azad olunmasına görə” və digər medallarla təltif edilən şəhidimizin xatirəsi universitet ailəsinin qəlbində daim yaşayacaq. Qeyd edək ki, şəhidlərin əziz xatirəsinin daim anılmasının diqqət mərkəzində saxlanıldığı MDU-da mütəmadi olaraq müxtəlif formatlı tədbirlər həyata keçirilməkdədir.
