2024-cü il 5 noyabrda Mingəçevir Dövlət Universitetində (MDU) Fizika və Ekologiya kafedrasının təşkilatçılığı ilə “Qəhvəyi mərmər bağaçığı və onunla mübarizə tədbirləri ” mövzusunda maarifləndirici seminarın keçirilib. MDU-nun Fizika və ekologiya kafedrasının təşkilatçılğı ilə baş tutan tədbirə universitetin professor-müəllim heyəti, tələbə və magistrantları iştirak edib.
Tədbirdə açılış nitqi ilə çıxış edən MDU-nun Fizika və Ekologiya kafedrasının müdiri  Təranə Yusibova qəhvəyi mərmər bağaçığının zərərləri haqqında geniş məlumat verib.
Daha sonra qəhvəyi mərmər bağaçığı haqqında maarifləndirici videoçarx nümayiş olunub.
Ardınca kafedranın müəllimlərinin mühazirələri dinlənilib. MDU-nun Fizika və ekologiya kafedrasının müəllimi Aliyə Mirzəyeva “Qəhvəyi mərmər bağacığının biologiyası”, Fizika və Ekologiya kafedrasının baş müəllimi Vüsalə Mustafayeva “Qəhvəyi mərmər bağacığına qarşı mübarizə tədbirləri” mövzularında çıxış ediblər.
Maarifləndirici seminar  iştirakçılar tərəfindən maraqla qarşılanıb.