“Sənayenin təşkili və idarəetmə” kafedrası 1994-cü ildə yaradılmış və müxtəlif adlar altında fəaliyyət göstərmişdir. Belə ki, yarandığı vaxtda kafedra “İdarəetmə nəzəriyyəsinın əsasları”, 1996-cı ildə “İstehsalın iqtisadiyyatı və idarə edilməsi”, 2006-cı ildə “Mühəndis iqtisadiyyatı və idarəetmə”, 2014-cü ildə “Sənayenin təşkili və idarə olunması” kafedrası adlandırılmışdır.

Azərbaycan Respublikası Prezidentinin 24.07.2015-ci il tarixli müvafiq sərəncamı ilə Mingəçevir Politexnik İnstitutunun bazasında Mingəçevir Dövlət Universiteti yaradılmışdır. Buna uyğun olaraq, yenidən formalaşan kafedra universitet rektorunun müvafiq əmri ilə  “Sənayenin təşkili və idarəetmə” kafedrası adı ilə fəaliyyət göstərir.

Fəaliyyət göstərdiyi bütün dövrlərdə kafedra Azərbaycan Respublikası Təhsil Nazirliyinin “Ali məktəblərin kafedraları haqqında əsasnamə”ni rəhbər tutmuş və işini bu əsasnamənin müddəalarına əsasən qurmuşdur. Kafedrada tədris təhsilin bakalavr (əyani və qiyabi) və magistratura səviyyələri üzrə aparılır. Kafedranın əməkdaşları tələbə və magistrantlarla səmə­rə­li iş qurmağa çalışırlar. Zəruri hallarda tələbə və magistrantlara tədris olunan fənlər, tədqiqat aparılan problemlərə dair müvafiq ədəbiyyat və elektron resurslarla təminat baxımından yaxından köməklik göstərirlər.

Kafedranın əməkdaşları tədrisin keyfiyyətinin yaxşılaşdırılması, tələbələrin elmi-yaradıcılıq  qabiliyyətinin yüksəldilməsi və kitabla işləmə bacarığının formalaşdırılması üçün universitet kitabxanasının imkanlarından istifadə etməyə çalışırlar. Əməkdaşlar həmçinin universitet kitabxanasının dərslik, dərs vəsaitləri və fənlərə dair elektron resurslarla təmin edilməsində yaxından iştirak edirlər. Müasir dövrdə tədrisin tələblərindən irəli gələrək kafedrada tədris olunan fənlərə dair mahazirə, fənn proqramları və sillabuslar daim təkmilləşdirilir.

1994-1999-cu illərə qədər kafedrada tədris bakalavriat təhsil səviyyəsi üzrə  İİ020000 Mühəndis iqtisadiyyatı və idarə edilməsi ixtisası üzrə (ixtisaslaşma: İİ020100 İstehsalat və xidmət sahələrinin iqtisadiyyatı və idarə edilməsi (sahələr üzrə)) aparılmışdır. 1999-cu ildən 2010-cu ilə qədər tədris  bakalavriat təhsil səviyyəsi üzrə İİ020000 Mühəndis iqtisadiyyatı və idarə edilməsi ixtisası üzrə (ixtisaslaşma: İİ020100 İstehsalat və xidmət sahələrinin iqtisadiyyatı və idarə edilməsi (sahələr üzrə)), İİ020400 Biznesin təşkili və idarə edilməsi, magistratura təhsil səviyyəsi üzrə İİM020000  Mühəndis iqtisadiyyatı və idarə edilməsi ixtisası üzrə (ixtisaslaşma: İİM020100 İstehsalat və xidmət sahələrinin iqtisadiyyatı və idarə edilməsi (sahələr üzrə)) ixtisaslarını əhatə etmişdir. 2010-2016-cı ilə qədər bakalavriat təhsil səviyyəsində 050405 Sənayenin təşkili və idarə olunması ixtisası üzrə tədris həyata keçirilmişdir. 2016-cı tədris ilindən 2019-cu tədris iliniə qədər kafedranın fəaliyyətini əhatə edən ixtisaslar 050405 Sənayenin təşkili və idarə olunması, 050407 Menecment, 050408 Marketinq, 050409 Biznesin idarə edilməsi, 050410 Dövlət və bələdiyyə idarəetməsi, 060405  Sənayenin təşkili və idarə edilməsi ixtisaslarından ibarət olmuş, 2019-cu ildə  kafedranı əhatə edən ixtisaslara 050411 Kommersiya (bakalavriat), 060409 Biznesin idarə edilməsi (magistratura), 060410 Dövlət və bələdiyyə idarəetməsi (magistratura) ixtisasları əlavə olunmuşdur.

Hal-hazırda  “Sənayenin təşkili və idarəetmə kafedrasında” tədris 9 ixtisas istiqaməti üzrə həyata keçirilir, o cümlədən bakalavriat təhsil səviyyəsində 6 ixtisas – 050405 Sənayenin təşkili və idarə olunması, 050407 Menecment, 050408 Marketinq, 050409 Biznesin idarə edilməsi, 050410 Dövlət və bələdiyyə idarəetməsi, 050411 Kommersiya, magistratura təhsil səviyyəsində isə 3 ixtisas – 060405  Sənayenin təşkili və idarə edilməsi, 060409 Biznesin idarə edilməsi (magistratura), 060410 Dövlət və bələdiyyə idarəetməsi.

Azərbaycan iqtisadiyyatının rəqabətədavamlı dayanıqlı inkişafının təmin edilməsi,  regionların sosial-iqtisadi inkişafına dair dövlət proqramları, milli iqtisadiyyatın sektorları üzrə strateji yol xəritələrində nəzərdə tutulmuş vəzifələrin uğurla icra edilməsinə nail olunması üçün, həmçinin  əmək bazarının  tələblərinə uyğun iqtisadçı-idarəetmə kadrlarının hazırlanmasına böyük ehtiyac var.

Kafedranın tərkibinə aşağıdakı ixtisaslar daxildir:

1.050402 “Biznesin idarə edilməsi” (bakalavr təhsil səviyyəsi üzrə);

2.050404 “Dövlət və bələdiyyə idarəetməsi” (bakalavr təhsil səviyyəsi üzrə);

3.050405 “Sənayenin təşkili və idarə olunması” (bakalavr təhsil səviyyəsi üzrə) -2019-cu ilin sentyabrından ixtisasların təsnifatından çıxarılıb;

4.050407 “Marketinq” (bakalavr təhsil səviyyəsi üzrə);  

5.050408 “Menecment” (bakalavr təhsil səviyyəsi üzrə);  

6.050411 “Kommersiya” ” (bakalavr təhsil səviyyəsi üzrə) – 2019-cu ilin sentyabrından ixtisasların təsnifatından çıxarılıb;

7.060405 “Sənayenin təşkili və idarə edilməsi “ (sahələr üzrə) (magistratura təhsil səviyyəsi üzrə);

8.060409  “Biznesin idarə edilməsi” (magistratura təhsil səviyyəsi üzrə);

9.060410 “Dövlət və bələdiyyə idarəetməsi” (magistratura təhsil səviyyəsi üzrə).

050402 “Biznesin idarə edilməsi” ixtisası  biznes fəaliyyəti – ticarət-istehsal-ticarət sxemi üzrə əmtəənin (satılacaq məhsulun) alıcıya çatdırılması üzrə fəaliyyətin həyata keçirilməsi istiqamətində kadr hazırlığını təmsil edir. “050402 – Biznesin idarə edilməsi” ixtisasına yiyələnənlər gəlir əldə etmək məqsədilə biznes fəaliyyətinin səmərəli təşkili və idarə edilməsi üzrə nəzəri və praktik bilikləri öyrənirlər. İxtisası mənimsəməklə tələbələr biznesin təşkili, idarəetmə, istehsalın təşkili, təşkilatı davranış, insan resurslarının idarə edilməsi, mühasibatlıq və maliyyə işlərinin təşkili, marketinq və ictimaiyyətlə əlaqələr sahəsində,  biznes proseslərin idarə edilməsi, biznes planın hazırlanması, proseslərin dizaynı, təchizat zəncirinin, keyfiyyətin, əməliyyat risklərinin idarə edilməsi üzrə kompetensiyalara yiyələnəcəklər.

Bu ixtisasın məzunları həm özəl, həm də dövlət sektorunda idarəetmə, insan resurslarının və istensalın idarə edilməsi, maliyyə, mühasibat, marketinq, tədqiqat və inkişaf, ictimaiyyətlə əlaqələr kimi sahələrdə işləyə, hətta öz biznesini qura bilərlər. Eyni zamanda məzunlar menecer, strateji idarəetmə,istehsalat, layihələrin idarə edilməsi, CEO, CFO, biznes analitik üzrə mütəxəssis işləyə bilərlər.

050404 “Dövlət və bələdiyyə idarəetməsi” ixtisası – tələbələrin ümumi idarəetmə biliklərinə yiyələnməsini təmin edir. Bu ixtisas tələbələrə dövlət və bələdiyyə orqanlarında işlərin təşkili və idarə edilməsinə imkan verən peşəkar və inzibati bacarıqlar öyrədir. Dövlət və bələdiyyə orqanlarının daha səmərəli idarə edilməsi məsələləri bu ixtisasın qarşısında duran ən mühüm vəzifələrindəndir.

“050404 – Dövlət və bələdiyyə idarəetməsi” ixtisası üzrə Təhsil Proqramının məzunları mərkəzi və yerli dövlət idarəetmə orqanlarında, yerli özünüidarıetmə orqanlarında, yerli və regional mərkəzlərdə, təşkilati-hüquqi formasından asılı olmayaraq ictimai əhəmiyyətli qurum və şirkətlərdə, beynəlxalq təşkilatlarda, mövcud qaydalara riayət edilməklə müxtəlif elm və təhsil müəssisələrinin müvafiq bölmələrində və peşə-ixtisasına uyğun strukturlarda işləyə bilərlər.

050405 “Sənayenin təşkili və idarə olunması” ixtisası – mülkiyyət mənsubiyyətindən asılı olmayaraq  sənayenin bütün sahələrində fəaliyyət göstərən iqtisadi struktur bölmələrinin fəaliyyətinin təşkili və idarə olunmasına töhfə verə biləcək istiqamətdə kadr hazırlığını təmsil edir.

050405 “Sənayenin təşkili və idarə olunması” ixtisası üzrə Təhsil Proqramının məzunları  İxtisası mənimsəməklə tələbələr sənayenin və onun ayrı-ayrı sahələrinin, təşkilatların, firma və müəssisələrin biznesinin təşkili  və idarə edilmsiə, istehsalın təşkili, təşkilatı davranış, insan resurslarının idarə edilməsi,həm özəl, həm də dövlət sektorunda layihə menecmenti, ictimaiyyətlə əlaqələr, biznes proseslərin idarə edilməsi, biznes planın hazırlanması, proseslərin dizaynı,logistika – təchizat zəncirinin, keyfiyyətin, əməliyyat risklərinin idarə edilməsi üzrə kompetensiyalara yiyələnəcəklər.

050405 “Sənayenin təşkili və idarə olunması” ixtisasının məzunları  mülkiyyət formasından və tabeliyindən asılı olmayaraq peşəsinə və ixtisas dərə­cə­sinə uy­ğun gələn istənilən istehsal sahələri, təşkilatlar, idarələr, müəssisələr, birliklər, iqtisadi bloka da­xil olan nazirlik və komitələrdə və s. işləyə bilərlər.

050407 “Marketinq“ ixtisası – Marketinq istənilən müasir təşkilatda əsas proseslərdən biridir. Marketinq – bazarda aparılan məqsədyönlü fəaliyyətdir. Marketinq – bazarda alıcıların tələbatlarının, hansı məhsulu istədiklərinin araşdırılması, bu istəklərə uyğun məhsul hazırlanması, məhsulun bazara çıxarılması, satışının təşkili, satışın həvəsləndirilməsi, reklam üzrə fəaliyyəti öyrənir.

“050407 – Marketinq” ixtisasına yiyələnənlər bazar tədqiqatları aparmaq, potensial müştəriləri axtarmaq, müştərilərlə əlaqələrin qurmaq, tələbatlarını müəyyənləşdirmək, bazarı seqmentlərə bölmək və seçmək, şirkətin və onun ayrı-ayrı məhsullarının bazarda mövqeyinin müəyyənləşdirilməsi, məhsul çeşidini formalaşdırmaq, marka yaratmaq və “təşviq etmək”, məhsulun satışının həyata keçirlməsi, müştəriləri məhsulun alınmasına həvəsləndrilməsi, məhsulun reklam işləri ilə məşğul olurlar.

“050407 – Marketinq” ixtisası üzrə Təhsil Proqramının məzunları həm özəl, həm də dövlət sektorunda kommunikasiya, logistika, marketinq, ictimaiyyətlə əlaqələr, məhsul meneceri, brend menecer, müştəri əlaqələrinin idarə edilməsi kimi sahələrdə marketinq mütəxəssisi, satış meneceri, merchandiser, brend menecer, reklam mütəxəssisi, ictimaiyyətlə əlaqələr, marketinq tədqiqatçısı, biznes analitik, müştəri əlaqələri idarəçisi, rəqəmsal marketinq mütəxəssisi, sosial media meneceri, kommunikasiyaların idarə edilməsi, brendinq mütəxəssisi, brend menecer, e-ticarət mütəxəssisi, istehsalat mütəxəssisi, təchizat zənciri mütəxəssisi, SEO/SEM üzrə mütəxəssis, databaza marketinqi mütəxəssisi, təchizat üzrə menecer peşələrində işləyə bilərlər.

050408 “Menecment” ixtisası  – ayrı-ayrı sahələr (istehsal menecmenti, maliyyə menecmenti, bank menecementi, innovasiya menecementi, kadr menecmenti (insan resurslarının idarə edilməsi  üzrə səmərəli idarəetməni öyrədir.

“050408 – Menecment” ixtisasına yiyələnməklə tələbələr  menecment və təşkilatla bağlı baza biliklərə yiyələnmək, ixtisas üzrə məlumatları analitik və sistematik şəkildə təhlil edə bilmək; menecmentdəki və təşkilatdakı mövcud problemləri qavrama və həlli yollarını təklif etmək; biznesin idarə edilməsi üzrə müvafiq fəaliyyət və metodları təklif etmək və planlaşdırmaq, onların qısa və uzunmüddətli nəticələrini təhlil etmək; təşkilatın məqsədlərinin, missiyasının, vizyonunun müəyyən edilməsində iştirak etmək, təşkilatın gələcəyinə dair proqnoz vermək və strateji qərərarların alınması üçün baza məlumatlarını hazırlamaq; təşkilati məqsəd və hədəflərə çatmaq üçün təşkilati strukturun optimal formada dizayn etmək; kollektivdə öz həmkarları ilə birgə işləməyi, optimal qərarlar qəbul etməyi, idarəetmə metodlarına yiyələnmək və onları tətbiq etmək; istehsal və qeyri-istehsal sferasında fəaliyyət göstərən təşkilatlarda keyfiyyəti idarəetmə sisteminin qurulması işində iştirak etmək və s. bacarıqlara yiyələnəcəklər.

“050408 – Menecment” ixtisası üzrə məzunlar həm özəl, həm dövlət sektorunda layihə menecmenti, insan resursları menecmenti,  ictimaiyyətlə əlaqələr, müştəri əlaqələrinin idarə edilməsi, əməliyyatların idarə edilməsi, satış kimi sahələrdə layihə meneceri, insan resursları meneceri, strateji idarəetmə mütəxəssisi, sahibkar, dövlət qulluqçusu kimi fəaliyyət göstərə bilərlər. Bundan əlavə məzunlar özlərini turizm sahəsində, otel və restoran biznesində, satış sahəsində (“satış meneceri”) sınaya bilərlər.

“050408 – Menecment” ixtisası üzrə məzunları təhsillərini “İqtisadiyyat və idarəetmə” qrupuna daxil olan bütün magistr proqramlarında davam etdirə bilərlər.

050411 “Kommersiya” ixtisası –    ixtisas üzrə Təhsil Proqramı tabeliyindən, mülkiyyət növündən və təşkilati-hüquqi formasından asılı olmayaraq Azərbaycan Respublikasında fəaliyyət göstərən və həmin ixtisas üzrə bakalavr hazırlığını həyata keçirən bütün ali təhsil müəssisələri üçün kadr hazırlığını təmsil edir.  İxtisas üzrə Təhsil Proqramının məzunları ixtisası mənimsəməklə işgüzar münasibətlərin qurulması zamanı kommunikativ əlaqələrin qurulması; problemli, qeyri-standart şəraitlərdə təşkilati-idarəetmə qərarlarını qəbul etmək, kommersiya sövdələşmələrini həyata keçirmək, biznes-plan, uçot, hesabat işlərini aparmaq, təsərrüfat subyektlərinin iqtisadi-maliyyə vəziyyətini təhlil etməyi bacarmaq, kommersiya fəaliyyəti ilə bağlı olan müxtəlif hesabatları hazırlamaq və təqdim etməyi bacarmaq kompetensiyalarına yiyələnəcək.

   050411 “Kommersiya” ixtisasının məzunları mülkiyyət formasından və tabeliyindən asılı olmayaraq peşəsinə və ixtisas dərəcəsinə  uyğun  gələn  istənilən  istehsal  sahələrində,  təşkilatlarda,  idarələrdə, müəssisələrdə, birliklərdə və s. sferalarda işləyə bilərlər.

 060405 “Sənayenin təşkili və idarə edilməsi” ixtisası (magistratura səviyyəsi) – mülkiyyət mənsubiyyətindən asılı olmayaraq  sənayenin bütün sahələrində fəaliyyət göstərən iqtisadi struktur bölmələrinin fəaliyyətinin təşkili və idarə olunmasına töhfə verə biləcək istiqamətdə kadr hazırlığını təmsil edir.

 təşkilati-idarəetmə qərarlarını qəbul etmək, müasir proqram təminatlarmdan sənayenin təşkili və idarə edilməsi problemlərinin həllində istifadə etmək, beynəlxalq arenada işləmək, sənayenin təşkili və idarə edilməsinin müasir iqtisadi problemlərini aşkar edə bilmək, sənayenin və onun ayrı-ayrı sahələrinin, habelə təşkilatların, firma və müəssisələrin qısa və uzunmüddətli iqtisadi inkişaf strategiyasının işlənilib hazırlanmasına rəhbərlik etmək, müxtəlif təşkilati – hüquqi və təşkilati – iqtisadi formalı firma və müəssisələrin iqtisadyönümlü inzibati – idarə, şöbə və bölmələrinə rəhbərlik etmək, peşəkar fəaliyyəti çərçivəsində gözlənilməz və mürəkkəb məsələləri həll etmək kompetensiyalarına yiyələnəcəklər.

060405 “Sənayenin təşkili və idarə edilməsi” ixtisasının ” ixtisasının məzunları  mülkiyyət formasından və tabeliyindən asılı olmayaraq peşəsinə və ixtisas dərə­cə­sinə uy­ğun gələn istənilən istehsal sahələri, təşkilatlar, idarələr, müəssisələr, birliklər, iqtisadi bloka da­xil olan nazirlik və komitələrdə və s. işləyə bilərlər. Eyni zamanda növbəti mərhələ elmi fəaliyyətlərini də davam etdirə bilərlər

060409 “Biznesin idarə edilməsi” ixtisası (magistratura səviyyəsi) –biznes fəaliyyətinin təşkili və idarə edilməsi sahəsində elmi-tədqiqat, pedaqoji, layihə-iqtisadi, analitik, təşkilati-inzibatçılıq və s. üzrə fəaliyyətin həyata keçirilməsi istiqamətində kadr hazırlığını təmsil edir.

İxtisas üzrə Təhsil Proqramının məzunları müasir biznes əlaqələrin qurulması və inkişaf etdirilməsi, biznesin təşkilati strukturunun seçilməsi, biznesin restrukturizasiyası və biznes proseslərin təkmilləşdirilməsi metodlarını tətbiq etmək, onların idarə olunmasının strategiya və modellərini, biznes subyektlərin və müstəqil bazar infrastrukturlarının xüsusiyyətlərini,  biznes-layihələrinin reallaşmasının müasir təhlil metodlarını, bazar infrastrukturuna uyğun marketinq strategiyalarını,  müəssisənin maliyyə fəaliyyətinin əsası göstəricilərinin təhlili, gəlir, mənfəət və pul axınlarının idarə edilməsi kimi kompetensiyalara yiyələnəcəklər.

060409 “Biznesin idarə edilməsi” ixtisasının məzunları  mülkiyyət formasından və tabeliyindən asılı olmayaraq peşəsinə və ixtisas dərə­cə­sinə uy­ğun gələn istənilən istehsal sahələri, təşkilatlar, idarələr, müəssisələr, birliklər, iqtisadi bloka da­xil olan nazirlik və komitələrdə və s. işləyə bilərlər. Eyni zamanda növbəti mərhələ elmi fəaliyyətlərini də davam etdirə bilərlər.

060410 “Dövlət və bələdiyyə idarəetməsi” ixtisası (magistratura səviyyəsi)  –  dövlət, bələdiyyə və digər yerli idarəetmə orqanlarında  idarəetmə fəaliyyətinin həyata keçirilməsi üzrə magistr kadr hazırlığını təmsil edir.

İxtisas üzrə Təhsil Proqramının məzunları dövlət və  bələdiyyə  idarəetməsi problemlərini tədqiq etmək, dövlət və bələdiyyə idarəetmə inkişafının əsas istiqamətləri üzrə müstəqil təhlil aparmaq, onların hazırlanmasına rəhbərlik etmək,  dövlət və bələdiyyə layihə və proqramların yerinə yetirilməsi üçün konkret standartlar hazırlamaq, dövlət və bələdiyyə müəssisələrinin müasir aspektlərinin tədqiqini,  müasir dövlət və bələdiyyə qulluğunun təşkili, dövlət və bələdiyyə idarəçiliyində heyətlə (kadrlarla) işin aparılması mexanizmini müəyyən etmək,   innovativ yanaşma tələb edən mürəkkəb və gözlənilməz şəraitlərdə müstəqil şəkildə  fəaliyyət göstərmək, dövlət və bələdiyyə idarəçiliyinin strateji aspektlərinin tədqiqi, İşgüzar yazışmalar və oyunlar keçirilməsi təcrübəsinə yiyələnmək, dövlətin antiinhisar siyasətini həyata keçirmək, Azərbaycanda korporativ idarəetmənin xüsusiyyətlərini tədqiq etmək kimi kompetensiyalara yiyələnəcəklər.