Turizm və ətraf mühit tədqiqat mərkəzi
Mərkəz haqqında
Turizm və Ətraf Mühit Tədqiqat Mərkəzi Mingəçevir Dövlət Universitetinin Elmi Şurasının 28.12.2025-ci il tarixli, 60 nömrəli qərarı ilə yaradılmış və 27.02.2025-ci il tarixli 70 nömrəli qərarı ilə Mərkəzin Əsasnaməsi təsdiqlənmişdir. Mərkəzin fəaliyyətinin təşkili MDU rektorunun əmri ilə təyin olunmuş rəhbər tərəfindən həyata keçirilir.
Turizm və Ətraf Mühit Tədqiqat Mərkəzinin aşağıdakı vəzifələri vardır:
- Turizm və ətraf mühit sahələri üzrə elmi-tədqiqatlar aparmaq, bu sahədə nəzəriyyə və praktika arasında əlaqə yaratmaq,
- Turizm və ətraf mühitin tədqiqat təsirlərini qiymətləndirmək və bu sahədə tədbirlər təklif etmək,
- Hesabatlar, kitabçalar, tədqiqat sənədləri, məqalələr və s. hazırlamaq,
- Turizm və ətraf mühit tədqiqatları ilə bağlı mütəxəssislər və kadrlar hazırlamaq,
- Turizm və ətraf mühit tədqiqatlarının icrası ilə əlaqədar konfranslar, təlimlər və seminarlar təşkil etmək.
- Səlahiyyətləri çərçivəsində universitetin inkişaf konsepsiyasının həyata keçirilməsini təmin etmək.
Turizm və Ətraf Mühit Tədqiqat Mərkəzinin fəaliyyət istiqamətləri aşağıdakılardır:
- Turizm və ətraf mühit tədqiqatları sahəsində elmi-tədqiqat fəaliyyətini inkişaf etdirmək, bu sahədə innovativ ideyalar yaratmaq,
- Azərbaycan Respublikasının davamlı turizmin inkişafı prosesinə töhvə vermək,
- Davamlı turizm, ətraf mühitin tədqiq edilməsi və turizmin inkişafının ətraf mühitə təsiri istiqamətində təhlillər apararaq tövsiyələr hazırlamaq,
- Turizm istiqamətli kafedraların elmi-tədqiqat mövzularının seçilməsində iştirak etmək,
- Tələbələrin elmə yönəldilməsi və tədqiqatlarının nəticələrinin dərc etdirilməsinə köməkliyin göstərilməsi.
Mərkəzin müdiri
Əhmədova Lalə Akif qızı- İqtisadiyyat kafedrasının müəllimi:
22 yanvar 1987-ci ildə Mingəçevir şəhərində anadan olmuşdur. 2004-cü ildə Mingəçevir şəhəri, Yaşar Muradov adına 11 saylı məktəbi bitirmişdir. 2004-2008-ci illərdə Azərbaycan Dövlət Pedaqoji Universitetinin “Coğrafiya” fakültəsində bakalavr təhsili, 2008-2010-cu illərdə həmin universitetin magistratura pilləsində təhsil almış və fərqlənmə diplomu ilə bitirmişdir.
Əmək fəaliyyətinə 2010-2011-ci illərdə Mingəcevir Turizm Kollecində 1,0 ştat müəllim kimi başlamışdır. 2014-2022-ci illərdə AMEA H.Ə.Əliyev adına Coğrafiya İnstitutunda elmi işçi vəzifəsində çalışmışdır. Bununla yanaşı, 2012-2020-ci illərdə “Zirvə” kurslarında müəllim vəzifəsində çalışmışdır. 2022-ci ildən Mingəçevir Dövlət Universitetinin “İqtisadiyyat” kafedrasının müəllimidir. 30-a yaxın elmi məqalə və tezisin müəllifidir. Bundan başqa, Azərbaycan vikipediyasının zənginləşdirilməsində iştirak etmiş, 137 yeni məqalə yaratmış və 500-dən çox məqaləni redaktə etmişdir.
2014-cü ildə Azərbaycan Elm Fondunun elan etdiyi 6-cı “Mobillik qrantı” müsabiqəsinin qalibi olmuş və 2015-ci il iyun ayında (30 gün) Almaniyanın Leyptsiq şəhəri, Leyptsiq Universitetində təcrübə keçmişdir. Həmçinin, 2014-cü ildə Dünya Alimləri Federasiyasının təqaüd proqramında iştirak edərək bir illik təqaüd proqramına qoşulmuşdur.
Mingəçevir Dövlət Universitetinin rektor v.m.i.e., tədris məsələləri üzrə prorektoru Üzeyir Zeynalovun 18 fevral 2025-ci il tarixli 01-03/64 saylı əmri ilə ictimai əsaslarla Turizm və Ətraf Mühit Tədqiqat Mərkəzinə rəhbər təyin edilmişdir.
Əməkdaşlar
|
Tədbirlər
Əlaqə
lala.ahmadova1@gmail.com
