Mingəçevir Dövlət Universitetində “Layiqli əmək prinsipləri və müasir əmək münasibətləri” mövzusuna həsr olunan təlim təşkil edilib. Təlim çərçivəsində iştirakçılara əmək sahəsində müasir yanaşmalar və beynəlxalq standartlar haqqında ətraflı məlumat verilib.

Tədbir zamanı layiqli əmək anlayışının mahiyyəti izah olunub, işçilərin hüquq və vəzifələri, təhlükəsiz və sağlam əmək şəraitinin təmin olunmasının əhəmiyyəti xüsusi vurğulanıb.

Bununla yanaşı, müasir əmək münasibətlərinin xüsusiyyətləri, işəgötürən və işçi arasında qarşılıqlı münasibətlərin düzgün qurulması, əmək müqavilələrinin rolu və sosial təminat məsələləri müzakirə olunub. Təlim çərçivəsində həmçinin iş yerlərində bərabərlik prinsipləri, ayrı-seçkiliyin qarşısının alınması və yaranan əmək mübahisələrinin həlli yolları barədə ətraflı məlumat təqdim edilib.

Ümumilikdə, təlimin əsas məqsədinin iştirakçıların əmək hüquqları sahəsində biliklərini artırmaq və müasir əmək mühitində düzgün və ədalətli münasibətlərin formalaşdırılmasına töhfə vermək olduğu diqqətə çatdırılıb.

Təlimin sonunda iştirakçıların sualları cavablandırılıb, mövzu ətrafında fikir mübadiləsi aparılıb.