İqtisadiyyat və idarəetmə fakültəsi hazırda Mingəçevir Dövlət Universitetinin aparıcı fakültələrindən biridir. Fakültə müxtəlif təhsil səviyyələri və əsasən iqtisadi yönümlü  ixtisaslar üzrə kadr hazırlığı həyata keçirir. Mingəçevir Dövlət Universitetinin İqtisadiyyat və idarəetmə fakültəsi MDU üzrə verilmiş 1994-ci il tarixli müvafiq əmr əsasında təsis edilmişdir. Fakültə 14.09.2015-ci ildən etibarən 02 kodlaşması ilə “İqtisadiyyat və idarəetmə” fakültəsi adı altında fəaliyyət göstərir.

Mingəçevir Dövlət Universitetinin İqtisadiyyat və idarəetmə fakültəsi müasir dövrdə elm və təhsilin dövlət siyasətinin prioritet istiqaməti olduğunu nəzərə alaraq, özünün 2024/2025-ci tədris ilinin payız semestrindəki fəaliyyətini Azərbaycan Respublikasının mövcud normativ-hüquqi sənədlərinə, o cümlədən, “Təhsil haqqında” Azərbaycan Respublikasının 19.06.2009-cu il tarixli, 833-III-Q nömrəli Qanununa, Azərbaycan Respublikası Nazirlər Kabinetinin 24.12.2013-cü il tarixli, 348 nömrəli qərarı ilə təsdiq edilmiş “Ali təhsil müəssisələrinin bakalavriat və magistratura səviyyələrində, əsas (baza ali) tibb təhsilində və kredit sistemi ilə tədrisin təşkili Qaydaları”na Azərbaycan Respublikası Nazirlər Kabinetinin 24.06.2010-cü il tarixli, 117 nömrəli qərarı ilə təsdiq edilmiş “Bakalavriat təhsilinin məzmunu və təşkili Qaydaları”na, Azərbaycan Respublikası Nazirlər Kabinetinin 23.04.2010-cü il tarixli, 75 nömrəli qərarı ilə təsdiq edilmiş “Ali təhsil pilləsinin dövlət standartı və proqramı”na, 12.05.2010-cu il tarixli 88 nömrəli qərarı ilə təsdiq edilmiş “Magistratura təhsilinin məzmunu, təşkili və “magistr” dərəcələrinin verilməsi Qaydaları”na, Azərbaycan Respublikası Nazirlər Kabinetinin 06.11.1995-ci il tarixli, 242 nömrəli qərarı ilə təsdiq edilmiş “Ali təhsil müəssisələrində elmi-tədqiqat işlərinin təşkili və planlaşdırılması haqqında Əsasnamə”yə, “Elm haqqında” Azərbaycan Respublikasının 18.06.2016-cu il tarixli, 271-VQ nömrəli Qanununa, Azərbaycan Respublikası Təhsil Nazirliyinin 24.02.1994-cü il tarixli, 113 nömrəli əmri ilə təsdiq olunmuş “Professor-müəllim heyətinin tədris işi üçün vaxt normasının müəyyənləşdirilməsi, elmi-tədqiqat, elmi-metodiki və digər işlərin növləri barədə” sənədə, habelə  bir sıra dövlət proqramlarına, o cümlədən, Azərbaycan Respublikası Prezidentinin 24.10.2013-cü il tarixli Sərəncamı ilə təsdiq edilmiş “Azərbaycan Respublikasında təhsilin inkişafı üzrə Dövlət Strategiyası”na,  Azərbaycan Respublikası Prezidentinin 02.02.2021-ci il tarixli Sərncamı ilə təsdiq edilmiş “Azərbaycan-2030: sosial-iqtisadi inkişafa dair Milli Prioritetlər”in tələblərinə və Mingəçevir Dövlət Universitetinin Daxili Nizamnaməsinə, habelə “Mingəçevir Dövlət Universiteti 2030 – Srtrateji İnkişaf Planı”na uyğun olaraq təşkil etmişdir.

“İqtisadiyyat və idarəetmə” fakültəsi nəzdində fəaliyyət göstərən ixtisaslar:

İqtisadiyyat və idarəetmə fakültəsində kadr hazırlığı prosesi ali təhsilin iki səviyyəsini – bakalavriat və magistratura səviyyələrini əhatə edir. Bakalavriat təhsil səviyyəsində Azərbaycan Respublikası Elm və Təhsil Nazirliyinin 21.08.2020-ci il tarixli F-381 nömrəli əmri ilə, magistratura təhsil səviyyəsində isə Azərbaycan Respublikası Elm və Təhsil Nazirliyinin 31.08.2012-ci il tarixli 1463 nömrəli əmri ilə təsdiq edilmiş təhsil proqramlarından istifadə edilir. Bakalavriat və Magistratura təhsil səviyyəsinin təhsil proqramları istər məzunun umumi və peşə kompetensiyaları, istərsə də təklif edilən fənlər baxımından müasir əmək bazarının və cəmiyyətinin tələblərinə uyğundur.

Bakalavriat səviyyəsinin təhsil proqramları Azərbaycan Respublikasının ömürboyu təhsil üzrə Milli Kvalifikasiyalar Çərçivəsinin (bundan sonra AzMKÇ) müəyyən etdiyi 6-cı səviyyənin tələblərinə,  magistratura səviyyəsinin təhsil proqramları isə AzMKÇ-da müəyyən edilən 7-ci səviyyənin tələblərinə uyğundur. Belə ki, bakalavriat və magistratura səviyyəsinin təhsil proqramlarında AzMKÇ-ın səviyyə deskriptorlarının (6-cı və 7-ci səviyyələr) tələblərinə uyğun olan təhsil və ya fəaliyyət sahəsi ilə bağlı əsas anlayışlar, qaydalar, nəzəri prinsip və tədqiqat metodları, müvafiq kompetensiyalar və s.haqqında sistemli məlumat yerləşdirilmişdir.

Bakalavriat səviyyəsinin təhsil proqramlarının hər biri üçün proqramın təlim nəticələri müəyyən edilmişdir. Təlim nəticələri müəyyən edilərkən əmək bazarının və müasir cəmiyyətin tələbləri, müvafiq məzmun standartları, habelə təlim nəticələrinin məzunun müvafiq kompetensiyaları əldə etməsinə xidmət etməsi nəzərə alınmışdır.

Təhsil proqramları üzrə müvafiq ixtisasın tədris planı tərtib edilərkən burada dərs saatlarının bölgüsünün Avropa Kredit Transfer və Toplanması Sisteminin (AKTTS) prinsiplərinə uyğunluğu, habelə Azərbaycan Respublikasının təhsil sahəsinə aid olan müvafiq normativ-hüquqi aktlarının tələbləri diqqət mərkəzində saxlanmışdır. Təhsil proqramında müvafiq fənlər üzrə göstərilən kreditin bir vahidi üçün 10-15 saat həcmində dərs saatı, təhsil proqramının 1.4-cü yarımbəndinin tələbinə uyğun olaraq həftəlik dərs saatlarının həcmi ümumi həftəlik yükün 50%-nə qədər, yəni 22 saat müəyyən edilmişdir. 45 saatlıq ümumi dərs yükünün qalan 23 saatı isə auditoriyadan kənar fəaliyyət üçün nəzərdə tutulmuşdur.

Fakültənin tərkibinə 2 ixtisas kafedrası təhkim edilmişdir. Beləliklə, fakültənin strukturu dekanlıq, tyutor xidməti və 2 ixtisas kafedrasından ibarətdir.

02.1 İqtisadiyyat kafedrası

02.2 Biznes və menecment kafedrası

Fakültədə bakalavriat təhsil səviyyəsində 9 ixtisas üzrə təhsil proqramı, Magistratura təhsil səviyyəsində 7 ixtisas  üzrə təhsil proqramından istifadə edilərək mütəxəssis (kadr) hazırlığı işi həyata keçirilir:

050402 – Biznesin idarə edilməsi (Bakalavriat)

050404 – Dövlət və bələdiyyə idarəetməsi (Bakalavriat)

050405 – İqtisadiyyat (Bakalavriat)

050406 – Maliyyə (Bakalavriat)

050407 – Marketinq (Bakalavriat)

050408 – Menecment (Bakalavriat)

050409 – Mühasibat (Bakalavriat)

050810 – Turizm işinin təşkili (Bakalavriat)

050809 – Turizm bələdçiliyi (Bakalavr)

060403 – Maliyyə (Magistratura);  ixtisaslaşma: “Maliyyə nəzarəti və audit”

060403 – Maliyyə (Magistratura);  ixtisaslaşma: “Vergi və vergitutma”

060404 – İqtisadiyyat (Magistratura);  ixtisaslaşma: “İqtisadiyyatın tənzimlənməsi”

060409 – Biznesin idarə edilməsi (Magistratura);

060410 – Dövlət və bələdiyyə idarəetməsi (Magistratura);

MBA proqramı: Biznesin idarə edilməsi (Magistratura); ixtisaslaşma: Biznesin təşkili və idarə edilməsi (Maliyyə)

MBA proqramı: Biznesin idarə edilməsi (Magistratura); ixtisaslaşma: Biznesin təşkili və idarə edilməsi (Ümumi)

Artıq bir neçə ildir ki, universitet, o cümlədən fakültə Baloniya kredit tədris sisteminə keçib ki, bu da universitetin diplomlarının xarici ölkələrdə, o cümlədən Avropada tanınmasına imkan verir. Fakültəmizin məzunları iqtisadçı, mühasib, maliyyəçi, menecer, marketoloq, turizm mütəxəssisi kimi ixtisaslar əldə edirlər və bu sahələrdə çalışa bilərlər. Fakültədə yuxarıda qeyd edilən 9 ixtisas üzrə bakalavr təhsil səviyyəsində 2192 nəfər tələbə təhsil alır. Fakultədə Azərbaycan Respublikasının 64 şəhər və rayondan və 2 nəfər Gürcüstan Respublikasından olan 2192  nəfər gənc təhsil alır ki,  onlardan 274 nəfəri Mingəçevir şəhər sakinləridır.

Mingəçevir Dövlət Universiteti nəzdində İqtisadiyyat və idarəetmə fakültəsinin mövcudluğu region üçün ixtisaslı kadrların hazırlanmasında böyük əhəmiyyət kəsb edir.

Fakültə üzrə tədris prosesində 48 nəfər professor-müəllim, o cümlədən 2 elmlər doktoru, professor; 1 elmlər doktoru, dosent; 8 fəlsəfə doktoru, dosent; 3 fəlsəfə doktoru, baş müəllim; 1 fəlsəfə doktoru; 8 baş müəllim; 22 müəllim və 5 nəfər laborant çalışır.

Fakültə üzrə tədris prosesində 48 nəfər professor-müəllim, o cümlədən 2 elmlər doktoru, professor; 1 elmlər doktoru, dosent; 8 fəlsəfə doktoru, dosent; 3 fəlsəfə doktoru, baş müəllim; 1 fəlsəfə doktoru; 8 baş müəllim; 22 müəllim və 5 nəfər laborant çalışır.

Fakültənin fəaliyyətdə olduğu dövrdə əməkdaşlarımızdan 2 nəfəri dissertasiya müdafiə edərək elmlər doktoru dərəcəsi, 8 nəfəri fəlsəfə doktoru, 5 nəfər isə dosent adı almış, hazırda 2 nəfər elmlər doktoru proqramı üzrə, 9 nəfər fəlsəfə doktoru proqramı üzrə doktorant və dissertant kimi dissertasiya işi üzərində işləyir və bir nəfər müdafiə ərəfəsindədir. Fakültənin bir neçə əməkdaşı artıq püxtələşmiş mütəxəssis alim kimi Prezident yanında Ali Attestasiya Komissiyasının ixtisaslaşmış Müdafiə Şuralarına, respublikamızın aparıcı universitetlərinə, rəhbər orqanlara dəvət olunmuşlar. Fakültənin məzunları müxtəlif iri firma və müəssisələrdə, xarici təşkilatlarda, maliyyə, vergi, bank, bank olmayan kredit təşkilatlarında, nazirlik və komitələrdə, respublikamızın mərkəzi və yerli icra orqanlarında, bələdiyyə strukturlarında, ali, orta ixtisas və ümumtəhsil müəssisələrində çalışırlar. Həmçinin, məzunlarımızın bir çoxu respublikanın aparıcı ali təhsil ocaqlarının magistratura şöbələrində təhsillərinin davam etdirirlər. Fakültənin geniş perspektiv planları vardır və ölkəmizdə aparılan təhsilin yeniləşməsi və inkişafı sahəsində dövlət siyasətinə uyğun həyata keçirilir.

Müvafiq təhsil proqramları üzrə təlim nəticələrinin ictimaiyyətə əlçatanlığı təmin edilmiş və təlim nəticələri MDU-nun rəsmi veb-saytında müvafiq alt pəncərədə yerləşdirilmişdir.

Fakültədə iki İKT laboratoriyası, 2 mərkəz İqtisadi tədqiqatlar mərkəzi və Turizm və ətraf mühit tədqiqat mərkəzi, 2 fənn kabineti Maliyyə və vergi kabineti və Marketinq və Menecment kabineti fəaliyyət göstərir.

1. 22 aprel 2021-ci il tarixində İqtisadiyyat və İdarəetmə fakultəsinin təşkil etdiyi “Davamlı və rəqabətqabiliyyətli iqtisadiyyat: Milli Prioritetlər və strateji hədəflər” mövzusunda elmi seminar keçirilib.
2. 2021-ci ilin 17 mart tarixində Mingəçevir Dövlət Universitetinin (MDU) İqtisadiyyat və idarəetmə fakültəsində Tələbə Elmi Cəmiyyətinin (TEC) “Dayanıqlı artan rəqabətqabiliyyətli milli iqtisadiyyat” mövzusunda elmi konfransı keçirilib.
3. 2021-ci ilin 4 mart tarixində “Maliyyə savadlılığının artırılması: nağdsız hesablaşmalar və onların təşkili formaları” mövzusunda nəzəri-praktik seminar keçirilib. Seminarda qonaq məruzəçi qismində iştirak edən “Turanbank” ASC-nin İdarə Heyətinin üzvü, informasiya texnologiyaları üzrə baş direktor Bəxtiyar Məmmədov “Ölkədaxili banklararası nağdsız hesablaşma sistemləri” mövzusunda çıxış edib.
4. 28 dekabr 2020-ci il tarixində “İqtisadiyyat” kafedrasının təşəbbüsü ilə “Tarixi qələbənin davamlı iqtisadi inkişafa potensial təsirləri” mövzusunda nəzəri-praktiki seminar keçirilib.     
5. 13 dekabr 2020-ci il tarixdə İqtisadiyyat və idarəetmə fakültəsində Tələbə Elmi Cəmiyyətinin “Qarabağ Azərbaycandır!” mövzusunda elmi konfransı keçirilib.
6. 17 noyabr 2020-ci il tarixində Azərbaycan Texniki Universiteti (AzTU) və Mingəçevir Dövlət Universiteti İqtisadiyyat kafedrasının birgə təşkilatçılığı ilə “Azərbaycanda rəqəmsal ödənişlərin tətbiqi: reallıqlar və perspektivlər” mövzusunda nəzəri-praktiki seminar keçirilib.
7. 23 oktyabr 2020-ci il tarixində Mingəçevir Dövlət Universitetində İqtisadiyyat və İdarəetmə fakultəsi, “Kapital Bank” ASC Mingəçevir filialı ilə birgə “Rəqəmsal ödənişlərin tətbiqi yeni dövrün tələbidir” mövzusunda nəzəri-praktiki seminar keçirilib.
8. 8.15 aprel 2020ci il  tarixində Mingəçevir Dövlət Universitetində (MDU) doktorant, dissertant və gənç tədqiqatçıların iştirakı ilə“Elm Günü”nə həsr edilmiş “Azərbaycan elminin inkişafında gənclərin aparıcı 
9. rolu” mövzusunda elmi seminar keçirilib.
10. 13 aprel 2020-ci il tarixində “İqtisadiyyat və idarəetmə” fakültəsinin Tələbə Elmi Cəmiyyətinin “Elm Günü”nə həsr edilmiş virtual elmi konfransı keçirilib.

Bağırov Cəlil Arif oğlu – Mingəçevir Dövlət Universitetində reallaşdırılan “Turizm sahəsi üzrə kadr hazırlığında yeni çağırışlar; təcrübə və karyera imkanları” layihəsinin, MDU ilə Almaniyanın Siegen Universitetinin birgə reallaşdırdığı “EFFORT- Sahibkarlıq bacarıqlarının inkişaf etdirilməsi” layihəsinin və Almaniya Beynəlxalq Əməkdaşlıq təşkilatının maliyyələşdirdiyi “MDU-da Karyera Mərkəzinin yaradılması” layihələrinin reallaşdırılmasında aktiv rol almışdır.