2025-ci il 14 yanvar tarixində Mingəçevir Dövlət Universitetinin (MDU) İqtisadiyyat və idarəetmə fakültəsinin tələbələri və bir qrup inzibati-texniki heyət üzvləri Mingəçevir şəhərinin Şəhidlər xiyabanını ziyarət ediblər.

Vətənimizin qorunması, müstəqilliyimizin gücləndirilməsi, ölkəmizin ərazi bütövlüyünün bərpası və tarixi torpaqlarımızın düşmən işğalından azad olunması uğrunda şəhid olmuş qəhrəmanlarımızın məzarları üzərinə gül dəstələri qoyulub, onların əziz xatirələri dərin ehtiramla yad edilib.

Universitet əməkdaşları Şəhidlər xiyabanı ərazisində yerləşən “20 yanvar şəhidləri”, “Azərbaycanlıların soyqırımı və deportasiyası tarixi” və “İtkinlər” xatirə komplekslərini də ziyarət ediblər.

Qeyd edək ki, şəhidlərin xatirəsinin uca tutulması, onların adlarının əbədiləşdirilməsi, şücaətlərinin yüksək qiymətləndirilməsi və qəhrəmanlıqlarının təbliği istiqamətində MDU tərəfindən davamlı tədbirlər həyata keçirilir.