Əsas tələblər:
- Tam ali təhsil (elmi dərəcəsi olanlara üstünlük verilir);
- Ali təhsil sistemində minimum 3 il iş təcrübəsi;
- “Təhsil haqqında” və “Elm haqqında” Azərbaycan Respublikasının qanunları, eləcə də elm və təhsil sahələrinə dair Prezidentin fərman və sərəncamları, Nazirlər Kabinetinin müvafiq qərar və sərəncamları üzrə biliklər;
- Ofis proqramlarında yüksək səviyyədə işləmək bacarığı;
- Yüksək səviyyədə yazılı və şifahi ünsiyyət, eləcə də təşkilatçılıq bacarıqları;
- Dil bilikləri: Azərbaycan dili mükəmməl, rus və ingilis dili.dilləri üstünlükdür.
Əmək funksiyası:
- İmtahan proseslərinin təşkili, keçirilməsi və nəzarəti ilə bağlı mühüm vəzifələri yerinə yetirir. İmtahanların ədalətli, şəffaf və qaydalara uyğun şəkildə keçirilməsini təmin edir.
- İmtahan nəzarətçilərinin təyinatı və təlimatlandırılmasına, imtahan cədvəllərinin hazırlanması və koordinasiyasına, İmtahan otaqlarının ayrılması və lazımi avadanlıqların təmin edilməsinə nəzarət edir.
- Fakültə və kafedralarla imtahan materiallarının toplanması və təhlükəsiz saxlanması, imtahan suallarının məxfiliyinin qoruması və onların vaxtında çatdırılması üzrə istiqamət verir.
- İmtahan prosesində baş verə biləcək texniki və inzibati problemlərin operativ həllinə nəzarət edir;
- Nəticələrin analizi və rəhbərliyə təqdim edilməsi üçün zəruri statistik məlumatlar toplanmasına nəzarət edir.
- İmtahan nəticələrinin vaxtında və düzgün şəkildə təqdim olunmasını təmin edir.
- İmtahanlarla bağlı şikayət və apellyasiya prosedurlarında iştirak edir;
- İmtahan prosesi ilə bağlı hesabatların hazırlanması və rəhbərliyə təqdim edilməsini təmin edir.
Bilməlidir:
- “Təhsil haqqında” və “Elm haqqında” Azərbaycan Respublikasının qanunlarını;
- Elm və təhsil sahələrinə aid Azərbaycan Respublikası Prezidentinin fərman və sərəncamlarını;
- Azərbaycan Respublikası Nazirlər Kabinetinin aidiyyəti qərar və sərəncamlarını;
- Azərbaycan Respublikasının təhsil sahəsi üzrə mərkəzi icra hakimiyyəti orqanının aidiyyəti qərar, sərəncam və əmrlərini; ali məktəb pedaqogikasını və psixologiyasını, tədris planlarının və proqramlarının tərtibini.
Maraqlanan şəxslərdən CV-ləri 31.05.2025-ci il tarixinədək hr@mdu.edu.az elektron poçt ünvanına “İmtahan rəhbəri” mövzu başlığı ilə göndərmələri xahiş olunur.
