Bildiyiniz kimi Azərbaycan Tələbə Gənclər Təşkilatları İttifaqı tərəfindən elan edilən Mingəçevir Dövlət Universiteti (MDU) Tələbə Gənclər Təşkilatının (TGT) sədr seçkiləri uğurla başa çatıb. Aparılan səsvermə nəticəsində universitetdən TGT-nın sədrliyinə namizəd olan 24 tələbə arasından Aslan Ələkbərzadə səs çoxluğu ilə yeni sədr seçilib.
Aslan Ələkbərzadə kimdir? MDU-nun yeni TGT sədrini tanıyaq:
- Ələkbərzadə Aslan Etibar oğlu – 26 oktyabr 2005-ci ildə Mingəçevir şəhərində anadan olub.
- 2011-2022-ci illərdə Mingəçevir şəhər 18 saylı tam orta məktəbdə təhsil alıb.
- Uşaq yaşlarından avarçəkmə idman növü ilə məşğul olub, Uşaq musiqi məktəbinin tar sinfini bitirib.
- 2022-ci ildə Mingəçevir Dövlət Universitetinin Mühəndislik fakültəsinin “Kompüter mühəndisliyi” ixtisasına qəbul olub.
- Akademik göstəricilərinin yüksək olması ilə seçilir və “Əlaçı” təqaüdü alır.
- 2022-ci ildən müxtəlif könüllülük proqramı üzrə ictimai əsaslarla fəaliyyət göstərmiş, müxtəlif təşkilatlarda fərqli sahələr üzrə peşə fəaliyyəti ilə məşğul olub.
- Tələbəliyə başlayandan aktivliyilə yoldaşlarından seçilib.
- 2022-ci ildən TGT-nin qrup sədri seçilib.
- 2023-cü ilin fevral ayında Laçın-Şuşa yolunda keçirilən ekoloji aksiyada iştirak edib.
- MDU-nun CTF (Capture the Flag) komandasının tərkibində iştirak edib, komanda ilə birlikdə qalib gəlib.
- “Technest” təqaüd proqramının qalibi olaraq Şəbəkə İnzibatçılığı və Rəqəmsal Marketinq üzrə təlimlərdə iştirak edir.
- 2024-cü ilin fevral-mart aylarında keçirilən seçkilər əsasında səs çoxluğu ilə MDU Tələbə Gənclər Təşkilatının sədri vəzifəsinə seçilib və hal-hazırda bu vəzifəni icra edir.
A.Ələkbərzadəni təbrik edir və fəaliyyətində uğurlar arzulayırıq!
