17 fevral 2025-ci il tarixində Mingəçevir Dövlət Universitetinin Təhsil fakültəsində tədris təcrübəsi uğurla davam edir. Riyaziyyat kafedrasının müvafiq ixtisasları – Riyaziyyat və Riyaziyyat-İnformatika qruplarında buraxılış kurslarının tələbələri bu təcrübədə uğurla iştirak etmişdir. Təcrübənin daha səmərəli olması üçün müasir texnologiyaların və texniki resursların istifadəsi tövsiyə olunmuş , təcrübə rəhbərləri tərəfindən tələbələrə innovativ tədris metodlarından istifadə, müasir tədris alətlərinin tətbiqi və tapşırıqların daha məqsədəuyğun şəkildə optimallaşdırılması məsləhət görülmüşdür. Müasir rəqəmsal alətlərdən istifadə etməklə interaktiv dərs mühitinin yaradılması və tələbələrin yaradıcı təfəkkürünün inkişaf etdirilməsi də önəmli amillərdən biridir. Təcrübə prosesində tələbələr təkcə fənn biliklərini deyil, həmçinin pedaqoji ünsiyyət bacarıqlarını da təkmilləşdirirlər. Bu, onların gələcək müəllimlik fəaliyyətində daha hazırlıqlı və peşəkar olmasına imkan yaradır. Təcrübənin sonunda tələbələr hesabat hazırlayır və müdafiə edirlər ki, bu da onların təcrübə müddətində qazandıqları bilik və bacarıqların qiymətləndirilməsinə şərait yaradır. Beləliklə, Mingəçevir Dövlət Universitetində həyata keçirilən təcrübə proqramı tələbələrin nəzəri bilikləri praktik təcrübə ilə birləşdirməsinə, onların pedaqoji və texniki bacarıqlarını artırmasına geniş imkan yaradır.
Mingəçevir Dövlət Universitetinin Təhsil fakültəsində tədris təcrübəsi uğurla davam edir
- Post published:05.03.2025
- Post category:MDU xəbərləri
You Might Also Like

Mingəçevir Dövlət Universitetində (MDU) “8 Noyabr – Zəfər Günü”nə həsr olunmuş “Azərbaycan tarixinin Zəfər zirvəsi” mövzusunda elmi-praktiki konfrans keçirilmişdir

MDU-da Ümummilli lider Heydər Əliyevin anadan olmasının 101-ci ildönümünə həsr edilmiş futzal üzrə çempionat keçirilib

MDU-nun müəllimi: “Soyqırım” bir sosial-kultural anlayış kimi”

Mingəçevir Dövlət Universiteti “Birgə və Sağlam” İctimai Birliyi ilə əməkdaşlıq edəcək

Şahin Bayramov: Prezident İlham Əliyev ata vəsiyyətini yerinə yetirərək bütün vədlərinə əməl edən Lider kimi dünyada öz sözünü dedi (AZƏRTAC)

Mingəçevirin 75 illik yubileyi ümumşəhər bayramına çevrilib

Mingəçevir Dövlət Universitetinin rektor vəzifəsifini müvəqqəti icra edən Üzeyir Zeynalov ATGTİ tərəfindən təltif olunan tələbələrlə görüş keçirib
