Mingəçevir Dövlət Universitetinin (bundan sonra MDU) Tələbələrlə iş və tədbirlərin təşkili şöbəsi (bundan sonra – Şöbə) MDU-da  tələbələrin bədii-estetik səviyyəsini yüksəltmək, mədəni həyat tərzinin formalaşdırılması işinə kömək göstərmək, dəyirmi masalar, konfranslar, seminarlar, iclaslar və sosial-mədəni tədbirlər təşkil etmək,  Azərbaycan Respublikasının Konstitusiyasının və qanunlarının tələblərinə uyğun olaraq universitetdaxili və universitetdən kənar mədəni-kütləvi tədbirlər həyata keçirmək, tələbələrlə işin qurulmasına dəstək olmaq, təhsil sahəsində və beynəlxalq əməkdaşlıq sahəsində qazanılan uğurların təbliğini təmin etmək məqsədi daşıyan və bu istiqamətdə MDU-nun məqsəd və vəzifələrini həyata keçirən struktur qurumudur.

Şöbə öz fəaliyyətində Azərbaycan Respublikasının qanunvericilik sisteminə daxil olan normativ hüquqi aktları, Azərbaycan Respublikasının Elm və Təhsil Nazirliyinin aktları, MDU-nun nizamnaməsi, həmçinin MDU-nun rəhbərliyinin qərar və göstərişlərini, habelə bu Əsasnaməni rəhbər tutur.

Şöbə öz vəzifələrini yerinə yetirərkən və hüquqlarını həyata keçirərkən MDU-nun strukturuna daxil olan qurumlarla, həmçinin dövlət və yerli özünü idarəetmə orqanları, hüquqi və fiziki şəxslərlə qarşılıqlı əlaqədə fəaliyyət göstərir.   

Missiya

Tələbələrin peşəkar və şəxsi inkişafını dəstəkləyərək onların təhsil müddətində müasir tendensiyalara uyğun təcrübə imkanlarını artırmaq üçün körpü olmaq, aktiv və hərtərəfli bir cəmiyyət təcrübəsi qurmağa təşvik etməklə yaradıcı potensiallarını inkişaf etdirmək.

Vizyon

Tələbələrimizin vətənpərvər, vicdanlı və sosial ruhda ölkəmizin inkişafında pay sahibi olmaqlarına töhvə vermək.

1. Dövlət təşkilatları, sivil cəmiyyət təşkilatları, özəl təşkilatlar, müəssisələr və şəxsiyyətlərlə əməkdaşlığa dəstək göstərilir;
2. Ümumtəhsil məktəblərində, hazırlıq kurslarında MDU-nun təbliğinə dəstək göstərilir;
3. Tələbələrin maraqlarının öyrənilməsi istiqamətində sorğu anketləri keçirilir;
4. Tələbələrin asudə vaxtlarının səmərəli təşkilinə şərait yaradılmasına dəstək göstərilir;
5. Sağlamlıq imkanları məhdud tələbələrin cəmiyyətə inteqrasiyası meyarlarını tədris prosesində və digər universitet fəaliyyətlərində nəzərə alınmasına nəzarət edilir;
6. Tələbə ixtisas klublarının yaradılması və inkişafına dəstək göstərilir;
7. Tələbələrin regionda çoxşaxəli könüllülük fəaliyyətlərində aktiv iştirak etməsinə təşviq edilir;
8. Universitetə qəbul olmuş I kurs tələbələri ilə Oriyentasiya günləri və 15 sentyabr-Bilik Günü təşkil olunur;
9. MDU-da fəaliyyət göstərən Tələbə Təşkilatları və onların tərkibində fəaliyyət göstərən tələbə cəmiyyətlərinin (klub, mərkəz və s.) fəaliyyəti dəstəklənir və monitorinqi keçirirlir;
10. Milli və dövlət bayramları qeyd olunur;
11. Regionun mədəni və incəsənət həyatının zənginləşdirilməsinə töhfə məqsədilə universitetin ədəbi-bədii fəaliyyətləri artırılır;
12. Tələbələrə dəstək və məsləhət xidməti göstərilir;
13. Tələblərdə vətənpərvərliyin təşviqi aparılır;
14. “Məzun-2025” tədbiri təşkil olunur;
15. Müxtəlif istiqamətdə tədbirlərin təşkilinə dəstək göstərilir;
16. “COP29” ilə bağlı tədbirlərin təşkilinə dəstək göstərilir;
17. Təşkilatlarla bağlı sorğuların keçirilir və təhlil olunur.